2 CRÓNICAS 18:3 - Dios Rimashcata Quillcashcami

³ Israel llactata jatun mandac Acabca Judá llactata jatun mandac Josafattaca: —¿Galaad llactapi causaccunahuan macanacungapac ñucahuan risha ninguichu?— nirca. Shina nicpimi Josafatca: —Ñucaca can shinallatacmi cani. Ñuca soldadocunapish cambac soldadocuna shinallatacmi. Shina cashcamanta macanacuimanca canhuan rishunllami— nirca.

2 CRÓNICAS 18:3 ပူးပေါင်းရင်းမြစ်များ

1 REYES 22:4

Chashna nishpami Josafattaca: —¿Galaad llactapi cac Ramot pueblomanta macanacungapac ñucanchic-huan risha ninguichu?— nirca. Shina nicpimi, Josafatca Israel llactata jatun mandactaca: —Ñucapish, ñuca gentecunapish cambac maquipimi canchic. Ñuca caballocunapish cambacllatacmi— nirca.

1 REYES 4:13

Geberpac churica Galaad llactapi cac Ramot pueblotami mandacurca. Shinallatac Galaad llactapi cac Manasespac churi Jair ruhuachishca pueblocunatapish mandacurcami. Shinallatac Basán llactapi tiyac Argob llactatapish mandacurcami. Chai llactaca muyundita jarcashca sucta chunga jatun pueblocunami carca. Chai pueblopac pungucunaca bronce aldabacunahuanmi carca.

2 REYES 3:7

Shinallatac Judá llactata jatun mandac Josafatman huillachun cachashpaca: «Moab llactata jatun mandacmi ñucata mana cazun. Canca ¿Moab llactapi causaccunahuan macanacungapac ñucahuan risha ninguichu?» nichunmi cacharca. Shina nicpimi, Judá llactata jatun mandacca: «Ari, rishallami. Ñucapish, canpish shuc shinallami canchic. Ñuca gentecunapish, cambac gentecuna shinami can. Ñuca caballocunapish, cambac caballocuna shinami can» nirca.

2 CRÓNICAS 18:2

Paica tauca huatacuna quipami Acabta ricungapac Samaria puebloman rirca. Acabca Josafatmanpish, paihuan shamuc gentecunamanpish achca ovejacunata, huagracunata huañuchishpami, jatun micuita ruhuarca. Chai quipaca Galaad llacta Ramot pueblopi causaccunahuan macanacungapac jacu nishpami animarca.

2 CRÓNICAS 18:4

Shinallatac Josafatca Israel llactata jatun mandactaca: —Manarac rishpa Mandac Diosmanrac tapui— nirca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

SALMOS 139:21

Mandac Dioslla, ¿manachu canta piñaccunataca piñana cani? ¿Manachu canta mana ricunayachic gentecunataca mana ricunayachina cani?

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.