2 CRÓNICAS 18:2 - Dios Rimashcata Quillcashcami

² Paica tauca huatacuna quipami Acabta ricungapac Samaria puebloman rirca. Acabca Josafatmanpish, paihuan shamuc gentecunamanpish achca ovejacunata, huagracunata huañuchishpami, jatun micuita ruhuarca. Chai quipaca Galaad llacta Ramot pueblopi causaccunahuan macanacungapac jacu nishpami animarca.

2 CRÓNICAS 18:2 ပူးပေါင်းရင်းမြစ်များ

1 REYES 1:9

Ashtahuanpish Adoniasca Rogel yacu ladopi tiyac Zohelet rumi quingrai ladopimi ovejacunata, huagracunata ashtahuan huira shuctac animalcunatapish, huañuchishpa jatun mandacpac churi paipac huauquicunata, jatun mandacta servic Judá gentecunatapish cayarca.

1 REYES 17:7

Ña tauca punzhacuna quipami, chai llactapi mana tamyacpi, chai huaicu yacuca chaquirca.

1 REYES 4:13

Geberpac churica Galaad llactapi cac Ramot pueblotami mandacurca. Shinallatac Galaad llactapi cac Manasespac churi Jair ruhuachishca pueblocunatapish mandacurcami. Shinallatac Basán llactapi tiyac Argob llactatapish mandacurcami. Chai llactaca muyundita jarcashca sucta chunga jatun pueblocunami carca. Chai pueblopac pungucunaca bronce aldabacunahuanmi carca.

2 REYES 9:1

Eliseoca Dios ima nishcata huillacpuramanta shucta cayashpami: «Allichirishpa, cai uchilla puñu aceiteta apashpa, Galaad llacta Ramot puebloman ri.

2 CRÓNICAS 18:3

Israel llactata jatun mandac Acabca Judá llactata jatun mandac Josafattaca: —¿Galaad llactapi causaccunahuan macanacungapac ñucahuan risha ninguichu?— nirca. Shina nicpimi Josafatca: —Ñucaca can shinallatacmi cani. Ñuca soldadocunapish cambac soldadocuna shinallatacmi. Shina cashcamanta macanacuimanca canhuan rishunllami— nirca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

NEHEMÍAS 13:6

Eliasib cura chashna ruhuacpica, ñucaca mana Jerusalenpichu carcani. Ashtahuanpish jatun mandac Artajerjes quimsa chunga ishcai huatata Babilonia llactata mandacui punzhacunapica jatun mandacta ricungapacmi rircani.

DEUTERONOMIO 4:43

Rubenpac aillumanca shitashca Beser pugru pambatami chicanyachirca. Galaadpac aillumanca Galaad llactapi tiyac Ramot llactatami chicanyachirca. Cutin Manasés aillumanca Basán llactapi tiyac Golán llactatami chicanyachirca.

JOSUÉ 20:8

Jordán yacu chimba ladoman, Jericó pueblomanta inti llucshina ladomanca Rubenpac aillucunapac shitashca urcu pambapi cac Beser pueblota, Gad aillupac Galaad llactapi cac Ramot pueblota, Manasés aillupac Basán llactapi cac Golán pueblotami acllarca.