2 CRÓNICAS 17:3 - Dios Rimashcata Quillcashcami

³ Pai mandai callarishpaca, ñaupa taita David causashca shinallatacmi allita ruhuashpa causarca. Baal dioscunataca mana catircachu. Chaimantami Mandac Diosca Josafathuan carca.

2 CRÓNICAS 17:3 ပူးပေါင်းရင်းမြစ်များ

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

2 SAMUEL 5:10

Mandac Dios Davidhuan cashcamantami paica punzhanta ashtahuan ashtahuan sinchi tucushpa catirca.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 REYES 11:6

Shinami Salomonca Mandac Diospac ñaupapica mana allita ruhuarca. Paipac taita David Mandac Diosta catishca shinaca mana catircachu.

1 REYES 22:43

Paica, paipac taita Asa shinallatacmi Mandac Diosmanta mana anchurishpa, imatapish cashcata ruhuashpa, Diospac ñaupapi causarca. Shina cashpapish, lomacunapi tiyac altarcunataca mana anchuchircachu. Shina cacpimi, gentecunaca animalcunata huañuchishpa, inciensota rupachishpa catircacuna.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

2 REYES 14:3

Amasiasca Mandac Diospac ñaupapica allitami ruhuashpa causarca. Shina cashpapish mana paipac ñaupa taita David shina ruhuashpami paipac taita Joás ruhuashca shinallatac tucuita ruhuarca.

2 REYES 16:2

Acazca ishcai chunga huatata charishpami, mandai callarirca. Chunga sucta huatatami Jerusalenpi mandarca. Paita Mandac Diospac ñaupapica ñaupa taita David shina allica mana causarcachu.

2 REYES 18:3

Ezequiasca Mandac Diospac ñaupapica paipac ñaupa taita David shinallatacmi allita ruhuashpa causarca.

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

1 CRÓNICAS 22:18

«¿Cancunata Mandac Diosca manachu cancunahuan? ¿Maita ricpipich, manachu cancunamanca cushi causaita curca? Paimi cai llactapi causaccunataca ñuca maquipi churashca. Chaimantami chai llactapi causaccunaca Mandac Diospac ñaupapi pai acllashcacunapac ñaupapi mandashca causancuna.

2 CRÓNICAS 14:11

Asa paita Mandac Diosta caparishpa mañashpaca: «¡Mandac Dioslla, jatun poderta charicta, mana fuerzata charicta ayudacca shuctac can shinaca mana tiyanchu! Ñucanchicta Mandac Dioslla, ñucanchicta ayudaiyari. Canllapimi shunguta churanchic. Cai soldadocunahuan macanacungapacca cambac shutipimi rinchic. ¡Mandac Dioslla, canmi ñucanchic Mandac Dios cangui! Runacuna canta mishanataca mana pudinchu» nirca.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 17:2

Judá llactapi cac muyundita pircashca pueblocunapica macanacuc soldadocunata, tucui Judá llacta ucupica chapac soldadocunatami churarca. Shinallatac paipac taita quichushca Efraín pueblocunapipish churarcami.

2 CRÓNICAS 17:4

Paipac taitapac Diosta servishpami, mandashcacunata cazushpa causarca. Israelcuna ruhuashca shinaca mana causarcachu.

2 CRÓNICAS 20:32

Paipac taita Asa causashca shinallatacmi chai ñanmanta mana anchurishpa, Mandac Diospac ñaupapica allita ruhuashpa causarca.

2 CRÓNICAS 21:12

Shina cacpimi, Dios ima nishcata huillac Eliasca paipacman shuc quillcata cacharca. Chai quillcapica: «Cambac ñaupa taita Davidta Mandac Diosca: “Canca cambac taita Josafat causashca shina, Judá llactata jatun mandac Asa causashca shina mana causashcanguichu.

2 CRÓNICAS 22:9

Ocoziastaca Samaria pueblopi miticushpa tiyacucpimi, chaimanta Jehupacman apashpa huañuchirca. Paita enterrashpaca: «Tucui shunguhuan Mandac Diosta servic Josafatpac churimi carca» nircacuna. Ocoziaspac huasi ucupuramanta mandangapacca pi mana tiyarcachu.

2 CRÓNICAS 27:6

Jotamca paita Mandac Diosta cazushpa causai callarishpami ashtahuan sinchi tucurca.

2 CRÓNICAS 29:2

Ezequiasca Mandac Diospac ñaupapica ñaupa taita David shinallatacmi allita ruhuashpa causarca.

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 4:12

Chaimanta cunanca ri. Ñucami canhuanca casha, imata rimana cacpipish, ñucallatacmi rimachisha— nirca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.

JUECES 6:12

Chaipimi Mandac Dios cachashca ángel ricurishpaca: —¡Sinchita macanacuc runalla, Mandac Diosca canhuanmi!— nirca.

JUECES 8:33

Gedeón huañushca quipapish israelcunaca cutinllatacmi Baal dioscunata adorashpa, huainayarcacuna. Chashnami Baal-birit diosta paicunapac dios cachun acllarca.

1 SAMUEL 18:12

Mandac Dios paimanta anchurishpa Davidhuan cacta yachashpami Saulca mancharca.

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 18:5

Davidca Saúl maiman cachacpipish ricllami carca. Shinallatac tucui chaicunapica allitami ruhuac carca. Chaimantami Saulca soldadocunata mandac cachun churarca. Davidca tucui gentecunapac ñaupapipish, Saulta serviccunapac ñaupapipish allimi ricurirca.