2 CRÓNICAS 16:4 - Dios Rimashcata Quillcashcami

⁴ Ben-adadca jatun mandac Asa mañashcata ari nishpami Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunami Ijón, Dan, Abe-maim pueblocunatapish Neftalí llactapi ima tiyashcacunata huacaichina pueblocunatapish quichurca.

2 CRÓNICAS 16:4 ပူးပေါင်းရင်းမြစ်များ

GÉNESIS 14:14

Abramca paipac sobrinota prezushcata yachashpami, paipac huasipi huacharishca paita servic quimsa patsac chunga pusac runata tandachishpa, Lotta prezuccunataca Dan llactacaman catirca.

1 REYES 15:20

Ben-hadadca jatun mandac Asa mañashcata ari nishpami, Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunaca Ijón, Dan, Abel-bet-maaca pueblocunatapish, Cineret, Neftalí llactacunatapish quichurcami

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

2 CRÓNICAS 16:3

Shina cachacpimi paica: «Ñuca taitahuan, cambac taitahuan ari nishca shina, ñucanchicpish ari ninacushun. Riqui, canmanmi cai cullquitapish, curitapish cachani. Cunanca Israel llactata jatun mandac Baasapacman rishpa, can ari nishcata paqui. Chashna ruhuacpimi, ñucata llaquichinamanta saquinga» nichun cacharca.

2 CRÓNICAS 16:5

Chaita uyashpami, Baasaca Ramá pueblota shayachicushcatapish saquishpa rirca.

2 CRÓNICAS 17:12

Josafatca ashtahuanmi jatunyashpa catirca. Judá llactapica torrecunata, imalla charishcacunata huacaichina pueblocunatami shayachirca.

2 CRÓNICAS 8:6

Baalat pueblotapish, imata Salomón charishcacunata huacaichina tucui pueblocunatapish, macanacuna carretacunatapish, caballocunata charina tucui pueblocunatapish allichircami. Salomonca Jerusalenpi, Líbano llactapi, pai mandacushca tucui llactacunapica pai munashcatami ruhuarca.

ÉXODO 1:11

Chaimantami paicunataca sinchita trabajachishpa llaquichichun, mandaccunata churarca. Shinami paicunaca sinchita trabajachishpa Pitón, Ramesés llactacunata shayachirca. Chai llactacunapimi Faraonca granota tandachirca.

ISAÍAS 9:1

Shina cacpipish, chai mancharina llaquihuan causaccunaca mana chashna causacungallachu. Ñaupa punzhacunapica Diosmi Zabulonpac, Neftalipac aillucunata llaquichirca. Shina llaquichishpapish, mana israelcuna causacuc Galilea llactapi causaccunatapish, mama cucha patacunapi causaccunatapish, Jordán yacu chimba ladopi causaccunatapish yallitami cushichinga.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.