2 CRÓNICAS 15:9 - Dios Rimashcata Quillcashcami

⁹ Chai quipaca Judá llactapi, Benjamín llactapi tucui causaccunatapish, Efraín, Manasés, Simeón llactacunamanta shamushpa Judá llactapi paicunahuan causaccunatapish tandachircami. Paita Mandac Dios paihuan cacta ricushpami, achca israelcuna Asahuan tandanacungapac pasamurcacuna.

2 CRÓNICAS 15:9 ပူးပေါင်းရင်းမြစ်များ

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

1 REYES 12:19

Chashnami israelcunaca Davidpac huahua huahuapuramanta chicanyashpa, cunan punzhacaman chashna causacuncuna.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 CRÓNICAS 12:19

David Filisteocunahuan tandarishpa Saulhuan macanacungapac ricpi Manasespac huahua huahuapuramanta ric maijancunapish Davidhuanmi tandanacurca. (Filisteocunata mandaccuna: «Davidca ñucanchicta huañuchishpami paipac amo Saulpac parte tucunga» nishcamantami mana ayudarca.)

2 CRÓNICAS 11:16

Levitacunapac huashataca israelcunata Mandac Diosta tucui shunguhuan catinata munac gentecunami tucui Israel aillupuramanta Jerusalenman shamurca. Paicunaca ñaupa taitacunapac Mandac Diosman animalcunata cushpa huañuchingapacmi Jerusalenman shamurcacuna.

2 CRÓNICAS 15:10

Asa chunga pichca huata, quimsa quillata Judá llactata mandacucpimi Jerusalenpi tandanacurcacuna.

2 CRÓNICAS 19:4

Josafatca Jerusalenpimi causarca. Shina cashpapish, Beerseba pueblomantaca Efraín urcucaman rishpami, tucui chaipi causaccunata, paipac ñaupa taitacunata Mandac Diospacman cutirichic ningapac rirca.

2 CRÓNICAS 30:25

Judá llactapi causac tucui tandanacushca gentecunapish, curacunapish, levitacunapish, Israel llactamanta achca shamushcacunapish, shinallatac shuctac llactamanta puringapac shamushpa Israel llactapi, Judá llactapi causangapac saquirishcacunapish yallitami cushicurca.

EZEQUIEL 37:16

«Huañunalla runa, cunanca shuc caspita japishpa, chaipica: “Judapacpish, paihuan apanacuc israelcunapacpishmi” nishpa quillcai. Quipaca shuc caspita japishpa chaipica: “Efrainpac, Josepac huahuacunapacpish, paicunahuan apanacuc israelcunapacpishmi” nishpa quillcai.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

1 SAMUEL 18:28

Ashtahuanpish Saulca Mandac Dios Davidhuan cactapish, paipac ushi Micalpish yallita cuyacta ricushpami,