2 CRÓNICAS 15:3 - Dios Rimashcata Quillcashcami

³ Israelcunaca unaitami causac Dios illac, yachachic curacuna illac, Dios mandashcacunapish illac causarcacuna.

2 CRÓNICAS 15:3 ပူးပေါင်းရင်းမြစ်များ

2 CRÓNICAS 17:7

Paica quimsa huatata mandacushpami, paita ayudac Ben-hail, Abdías, Zacarías, Natanael, Micaías mandaccunata Diosmanta yachachichun, Judá llactapi cac pueblocunaman cacharca.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

LAMENTACIONES 2:9

Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

LEVÍTICO 10:11

Ñuca Moisesman huillashcacunataca tucui israelcunaman yachachinguichic» nirca.

LEVÍTICO 10:8

Mandac Dios Aaronta rimashpaca:

AMÓS 8:11

Yalli llaqui punzhacunami chayamun. Chai punzhacunapica yarcaitami cai pachaman cachasha. Mana micuna illashcamantachu yarcachinga. Mana yacu illashcamantachu yacunayachinga. Ashtahuanpish Mandac Dios ñuca huillashca shimita uyanata munashpami yarcaihuan, yacunayaihuan shina puringacuna.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

ROMANOS 2:12

Moisés mandashcacunata mana yachashpa juchalliccunaca, chai mandashcacunata mana yachashpami huañunga. Ashtahuanpish mandashcacunata yachashca jahua juchalliccunaca, mandashcapi nishca shinami taripashca canga.

1 CORINTIOS 9:21

Moisés mandashcacunata mana pactachiccunahuan cashpaca, paicuna Cristopacman shamuchunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

DEUTERONOMIO 33:10

Paicunami Jacobomanca mandanata allita yachachinga. Israelcunaman mandashcacunatapish yachachingami. Inciensotapish, tucui rupachinatapish, cambac altar ñaupapimi churanga.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.