2 CRÓNICAS 15:2 - Dios Rimashcata Quillcashcami

² Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 15:2 ပူးပေါင်းရင်းမြစ်များ

1 REYES 11:25

Rezonca Salomonpac tucui causaipimi israelcunata piñac carca. Chashnami Rezonpish, Hadadpish israelcunataca llaquichirca. Chashna ruhuashcaca ashtahuanmi llaqui jatarirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

2 REYES 21:14

Maijan saquirishca ñuca acllashcacunataca paicuna ima charishcata quichuchun, llucchishpa cachachunmi piñaccunapac maquipi saquisha.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 11:12

Tucuimanmi tucui pueblocunapi escudocunatapish, lanzacunatapish curca. Chashna ruhuacpimi, Judapac, Benjaminpac llactacunaca pai mandashca causarcacuna.

2 CRÓNICAS 12:5

Shina cacpimi, Dios ima nishcata huillac Semaiasca Roboampacman, shinallatac Judá llactata mandaccunapacman shamurca. Paicunaca Sisac macanacungapac shamushcamantami Jerusalenpi tandanacushca carca. Semaiasca paicunataca: —Mandac Diosca: “Cancunami ñucamanta anchurircanguichic. Chaimantami ñucapish cancunataca Sisacpac maquipi saquini” ninmi— nirca.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

2 CRÓNICAS 13:4

Abiasca Efraín urcupi cac Zemaraim lomapi shayarishpaca: «Jatun mandac Jeroboampish, tucui israelcunapish uyaichic.

2 CRÓNICAS 15:15

Chashna tucui shunguhuan, tucui munaihuan ari nishpa Diosta mashcashcamantami Judá llactapi causaccunaca cushicurca. Tucui paicuna mashcashcamantaca Mandac Diosca chasquircami. Paicunapac tucui llactacunapica sumac causaimi tiyarca.

2 CRÓNICAS 15:4

Ashtahuanpish paicunaca jatun llaquipi cashpami, israelcunata Mandac Diospacman cutirishpa, paita mashcarcacuna. Shina mashcashpami paitaca tarircacuna.

2 CRÓNICAS 20:15

Chai quipami paica: «Judá llactapi causaccuna, Jerusalenpi causaccuna, can jatun mandac Josafatpish uyaichic. Mandac Diosca cancunataca: “Chai achca gentecunata ricushpapish ama manchaichicchu, ama chucchuichicchu. Chai macanacuica mana cancunapacchu, ashtahuanpish Diospacmi.

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

2 CRÓNICAS 24:20

Shina cacpimi, Joyada curapac churi Zacariaspacman Mandac Diospac Espíritu shamurca. Chaipimi paica gentecuna ricunallapi shayarishpaca: «Mandac Diosca: “¿Ima nishpatac ñuca mandashcacunataca mana cazunguichic? Chashna mana cazushcamantaca ima allitapish mana japinguichicchu. Ñucata cancuna saquishcamantaca ñucapish cancunataca saquishami” ninmi» nirca.

2 CRÓNICAS 26:5

Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.

2 CRÓNICAS 32:8

Chai jatun mandacca runacunapac poderllahuanmi. Ashtahuanpish ñucanchicta macanacuipi ayudangapacca ñucanchicta Mandac Diosmi ñucanchic-huan» nirca. Judá llactata jatun mandac shina nicpica, mana manchashpami, tucui mashna sinchi tucurcacuna.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

2 CRÓNICAS 33:12

Ashtahuanpish chai llaquita apacushpami, Manasesca paipac ñaupa taitacunapac Mandac Diospac ñaupapica tucui shunguhuan llaquirishpa mañarca.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

ESDRAS 8:22

Utcapi ñucanchicca jatun mandactaca: «Ñucanchic Diosca paita tucui shunguhuan caticcunataca imamantapish cuidanmi. Ashtahuanpish paimanta caruyaccunataca yallita piñashpa, paipac poderhuan llaquichinmi» nircanchic. Chaimantami ñucanchicta ñanpi cuidachun soldadocunata, caballopi ric soldadocunata jatun mandacman mañanataca pinganayarca.

SALMOS 34:4

Ñuca Mandac Diosta mashcacpica, paica uyarcami. Ñuca manchaihuan cacpica, paica quishpichircami.

SALMOS 53:2

Diosca huañuclla gentecunapurapi shucllapish alli yuyaiyuc, Diosta mashcac tiyangami nishpami, jahua pachamanta tucuita ricurca.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

ISAÍAS 51:1

Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

AMÓS 5:14

¡Mana alli ruhuanapac randica, alli ruhuanata munaichic! Chashna ruhuashpaca causanguichicmi. Cancuna nishca shinallatacmi tucuita Mandac Diosca cancunahuan canga.

ZACARÍAS 1:3

Chaimantami: Tucuita Mandac Diosca: Ñucapacman cutimuichic. Ñucapish cancunapacman cutishami.

NÚMEROS 14:42

Mandac Diosca mana cancunahuanchu, ama richicchu. Chaiman rishpaca, piñaccunapac ñaupapi huañunguichicmi.

NÚMEROS 14:43

Chaipica amalecitacuna, cananeocunami espadahuan huañuchingapac chapacun. Mandac Diosta catinata saquishcanguichicmi. Chaimantami Mandac Diosca cancunahuanca mana can— nirca.

SAN MATEO 13:9

Maijanpish ringrita charicca, caita allita uyachun» nirca.

DEUTERONOMIO 20:1

Cancunata piñaccunahuan macanacungapac llucshishpa caballocunata, carretacunata achcata ricushpa, achca gentecunata ricushpaca, ama manchanguichicchu. Cancunaca Egipto llactamanta llucchimuc Mandac Dios-huanmi canguichic.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

HEBREOS 10:38

Cashcata ruhuacca crishcallamantami causanga. Ashtahuanpish mana catictaca piñashami» ninmi.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

JOSUÉ 22:31

Chaimantami Eleazar curapac churi Fineesca Rubenpac, Gadpac aillucunata Manasespac chaupi aillutaca: —Cunanmi Mandac Dios ñucanchic-huan cashcataca yachani. Cancunaca Mandac Diosta piñachishpa, paimanta mana caruyashcanguichicchu. Cunanca, israelcunaca mana Mandac Dios llaquichishcachu canchic— nirca.

JOSUÉ 24:20

Cancuna Mandac Diosta saquishpa, shuctac dioscunata servishpa causacpica, piñarishpa cancunamanta anchurishpa llaquichishpami tucuchinga. Cancunaman allita ruhuashca cashpapish tucuchingami— nirca.

APOCALIPSIS 2:11

Maijanpish ringrita charicca, Diospac Espíritu tandanacushca criccunaman ima nicushcata uyachun. Millaita mishacca quipa huañuipica ima llaquita mana apangachu” ninmi.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

APOCALIPSIS 2:29

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

APOCALIPSIS 3:13

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 3:22

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 3:6

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

JUECES 10:13

Shina cacpipish cancunaca ñucata saquishpami, shuctac dioscunata servinguichic. Chaimantami cutinca mana quishpichisha.

JUECES 9:7

Jotam chaita yachac chayashpaca Gerizim urcumanmi huichai rirca. Chaimanta tucui mashna uyachun sinchita caparishpaca: «¡Siquempi causaccuna ñuca nishcata uyaichic! ¡Ñuca nishcata uyacpica, Taita Diospish cancunataca uyangami!

1 SAMUEL 12:14

Cancunapish, cancunata mandacpish Mandac Diospac ñaupapi allita causaichic. Paita servishpa, cazushpa, pai mandashcacunata pactachishpa causashpaca allimi causanguichic.

1 SAMUEL 12:15

Ashtahuanpish Mandac Dios mandashcacunata mana cazushpa, pai nishcatapish mana uyashpa cariyacpica paipac maquihuanmi cancunatapish, cancunata mandactapish llaquichinga.