2 CRÓNICAS 13:7 - Dios Rimashcata Quillcashcami

⁷ Paihuanca quilla, mana alli gentecunami tandanacurca. Chai gentecunahuanmi, Salomonpac churi Roboam huambrarac cashpa mana mandai pudicpi mana cazurca.

2 CRÓNICAS 13:7 ပူးပေါင်းရင်းမြစ်များ

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

2 CRÓNICAS 10:16

Tucui israelcunaca paicuna mañashcata jatun mandac mana uyasha nicpimi: «Davidmantaca, ¿imatatac ñucanchicca charinchic? ¿Isaipac churimantaca ima japinatatac charinchic? ¡Israelcuna, cancunapac carpa huasicunaman richiclla! ¡David cunanca cambac huasi ucupurata cuidanguilla!» nirca. Shina nicpimi, israelcunaca paicunapac carpa huasicunaman rircacuna.

2 CRÓNICAS 12:13

Roboamca ashtahuan sinchiyashpami Jerusalenpi mandashpa catirca. Paica chuscu chunga shuc huatata charishpami, mandai callarirca. Chunga canchis huatatami Jerusalenpi mandarca. Mandac Diosca tucui Israel aillupuramantaca chai pueblotami paipac shuti chaipi causachun acllarca. Roboampac mamaca amonitapuramanta Naamami carca.

JOB 30:8

Paicunaca yuyai illac gentecunapac churicuna, paicunapac llactapi piñashca, shuti illaccunami carca.

SALMOS 26:4

Ñucaca llullaccunahuanpish mishqui shimi jayac shungu runacunahuanpish mana tandarircanichu.

PROVERBIOS 12:11

Allpapi trabajac runaca mana nictami micunga. Ashtahuanpish yuyai illaccunallami yanga puriccunata catincuna.

PROVERBIOS 28:19

Chagrapi trabajashpa causacca huicsa pactatami micun. Ashtahuanpish quilla runacunahuan tandanacucca huacchallami causanga.

ECLESIASTÉS 10:16

Huambrarac jatun mandac mandacuc llactalla, ¡aij imachari tucungui! Chaipi mandaccuna tutamanta pacha, jatun micui ruhuashpa, fiestata ruhuaccunalla, ¡aij imachari tucunga!

ISAÍAS 3:4

Chai quipaca huambrarac mandaccunatami mandachun churanga. Huambracunami paicunataca mandanga.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

DEUTERONOMIO 13:13

Diosta mana manchac maijan runacunami cancunapac chaupimanta llucchishpa, cancunapac llactapi causaccunataca: “Cancuna mana ricsishca shuctac dioscunata jacuchic servishun” nicun nishcami uyaringa.

TITO 1:10

Mana cazushpa yangalla parlocunata parlashpa, gentecunata pandachiccunaca achcacunami tiyan. Ashtahuancarin chai circuncisionta ruhuachun niccunami can.

HEBREOS 5:12

Cancunaca cai tucui huatacunapica, ña yachachiccunami cana canguichic. Shina cashpapish, Diosmanta callari yachachinacunata yachachinami tucushcanguichic. Sinchi micunata micunapac randica, huahuacuna lechellata ubiac shinami canguichic.

JUECES 11:3

Chaimantami Jefteca huauquicunamanta miticushpa Tob llactapi causagrirca. Chaipica imatapish mana ruhuashpa causac quilla gentecunami paihuan tandarishpa llucshic carca.

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.