2 CRÓNICAS 13:3 - Dios Rimashcata Quillcashcami

³ Abiasca chuscu patsac huaranga acllashca sinchi soldadocunata tandachishpami macanacungapac allichirirca. Shinallatac Jeroboampish pusac patsac huaranga acllashca macanacunata alli yachac sinchi soldadocunata tandachishpami, Abias-huan macanacungapac allichirirca.

2 CRÓNICAS 13:3 ပူးပေါင်းရင်းမြစ်များ

1 REYES 15:7

Abiampac shuctac ruhuashcacunapish, imacunallata ruhuashcacunapish Judá llactata jatun mandaccuna, imata ruhuashcacunata quillcashcapimi tiyacun. Abiamca Jeroboamhuanmi macanacushpa catirca.

1 CRÓNICAS 21:5

Tucui Israel llactapi espadahuan macanacuccunaca shuc junu patsac huaranga runacunami tiyashca carca. Judá llactapi espadahuan macanacuccunaca chuscu patsac canchis chunga huaranga runacunami tiyashca carca.

2 CRÓNICAS 11:1

Roboam Jerusalenman shamushpaca israelcunahuan macanacungapacmi Judapac aillumantapish, Benjaminpac aillumantapish macanacunata alli yachac patsac pusac chunga huaranga soldadocunata tandachirca. Roboamca pai mandacushca llactata cutin japingapacmi chashna ruhuarca.

2 CRÓNICAS 13:2

Paica quimsa huatatami Jerusalenpi mandarca. Paipac mamaca Gabaa pueblomanta Urielpac ushi Micaiasmi carca. Abiaspish, Jeroboampish macanacushpami causarcacuna.

2 CRÓNICAS 13:4

Abiasca Efraín urcupi cac Zemaraim lomapi shayarishpaca: «Jatun mandac Jeroboampish, tucui israelcunapish uyaichic.