2 CRÓNICAS 13:2 - Dios Rimashcata Quillcashcami

² Paica quimsa huatatami Jerusalenpi mandarca. Paipac mamaca Gabaa pueblomanta Urielpac ushi Micaiasmi carca. Abiaspish, Jeroboampish macanacushpami causarcacuna.

2 CRÓNICAS 13:2 ပူးပေါင်းရင်းမြစ်များ

1 REYES 14:19

Jeroboam ashtahuan ima ruhuashcapish, jatun macanacuita ruhuashcapish, shinallatac ima shina mandashcapish, Israel llactata jatun mandaccuna imata ruhuashcacunata quillcashcapimi tiyacun.

1 REYES 14:20

Jeroboamca ishcai chunga ishcai huatatami mandarca. Pai huañushpa, paipac ñaupa taitacunahuan tandanacucpica, paipac randica paipac churi Nadabmi mandarca.

1 REYES 15:2

Paica quimsa huatatami Jerusalenpi mandarca. Paipac mamaca Absalonpac ushi Maacami carca.

2 CRÓNICAS 11:20

Mahalathuan cazarashca quipaca Absalonpac ushi Maacahuanmi cazararca. Chai huarmipi charishca churicunaca: Abías, Atai, Ziza, shinallatac Selomitmi carca.

2 CRÓNICAS 12:15

Punta punzhacuna, quipa punzhacuna Roboam imata ruhuashcacunaca Dios ima nishcata huillac Semaiaspish, Dios ricuchishcata huillac Iddopish, familiacunapac shuticunata japishpa quillcashcapimi tiyacun. Roboamca tucui causaipimi Jeroboamhuan macanacushpa causarca.

2 CRÓNICAS 13:3

Abiasca chuscu patsac huaranga acllashca sinchi soldadocunata tandachishpami macanacungapac allichirirca. Shinallatac Jeroboampish pusac patsac huaranga acllashca macanacunata alli yachac sinchi soldadocunata tandachishpami, Abias-huan macanacungapac allichirirca.

JOSUÉ 18:28

Zela, Elef, Jerusalén nishca Jebús, Gabaa, Quiriatmi carca. Tucuica chunga chuscu pueblocunami, muyundi uchilla llactacunandi carca. Benjaminpac churicunaman paicuna mashna cashcata ricushpa cushca allpaca chaicunami carca.

JUECES 19:14

Chaita pasashpaca Benjamín llacta Gabaa pueblopimi ña inti tigrashpa amsayacucta chayarca.

JUECES 19:16

Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

1 SAMUEL 10:26

Chai quipami, Samuelca tucui gentecunata paicunapac huasicunaman cacharca. Shinallatac Saulpish Gabaa llactapi tiyac paipac huasimanmi rirca. Macanacungapac cac sinchi runacunapish paicunapac shungupi Dios alli nicpimi, Saulhuan rircacuna.