2 CRÓNICAS 12:3 - Dios Rimashcata Quillcashcami

³ Sisacca huaranga ishcai patsac carretahuan, caballopi ric sucta chunga huaranga soldadocunahuanmi shamurca. Paihuan shamuc gentecunaca Libia llactamanta, Etiopía llactamanta shinallatac suquienocunatami mana yupaipac achca gentecuna shamurca.

2 CRÓNICAS 12:3 ပူးပေါင်းရင်းမြစ်များ

2 SAMUEL 10:18

Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

2 CRÓNICAS 14:12

Shina mañacpimi, Mandac Diosca Asapac ñaupapi, Judapac ñaupapi Etiopía soldadocunataca llaquichirca. Chaimantami paicunaca miticushpa callparca.

2 CRÓNICAS 14:8

Asaca escudocunata, lanzacunata apashpa puric Judapac soldadocunataca quimsa patsac huarangatami charirca. Benjaminpac soldadocunataca ishcai patsac pusac chunga huarangatami charirca. Paicunaca escudotapish apac, flechatapish cacharinata yachacmi carcacuna. Tucui paicunami macanacunata alli yachac sinchi runacuna carca.

2 CRÓNICAS 14:9

Paicunahuan macanacungapacmi Etiopía llactata mandac Zeraca shuc junu soldadocunahuan, quimsa patsac carretacunahuan Maresa puebloman llucshimurca.

2 CRÓNICAS 16:8

Etiopía, Libia llactamanta cac soldadocunaca macanacuna carretacunandi, caballopi ric soldadocunandica achcami carca. Shina cacpipish, Mandac Diosta ayudachun, can mañashcamantami paicunataca cambac maquipi churarca.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

EZEQUIEL 30:5

Etiopía, Libia, Lidia llactapi causaccunapish, Arabia, Cub llactacunapi causaccunapish, Egipto llactahuan apanacuc llactacunapish jatun macanacuipimi huañunga.

DANIEL 11:43

Egiptomantaca curimanta, cullquimanta ruhuashca sumaccunata, tucui ima valishcacunatami apanga. Libia llactapi, Etiopía llactapi causaccunaca paitami catinga.

NAHÚM 3:9

Etiopía llacta, Egiptopi llacta ayudacpimi, pipish mana mishaipac carca. Fut llacta, Libia llactapi causaccunapish, paita ayudacmi carca.

APOCALIPSIS 9:16

Chaimantaca: “Caballopi cac soldadocunaca ishcai pasac junumi can” nictami uyarcani.

JUECES 4:13

Chaimantami Sisaraca paipac iscun patsac fierro carretacunata, tucui paihuan cac gentecunatapish Haroset-goim pueblomanta Cisón yacucaman tandachirca.

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.

1 SAMUEL 13:5

Chaimantami filisteocunapish, israelcunahuan macanacungapac quimsa huaranga carretacunahuan, sucta huaranga caballopi ric soldadocunahuan, shinallatac mama cuchapi tiyac tiyu shina mana yupaipac achca gentecunahuan tandanacurca. Paicunaca Micmas puebloman huichai rishpami, carpa huasicunata shayachishpa tiyarircacuna. Chai puebloca Bet-avén pueblomantaca inti llucshic ladomanmi saquirin.