2 CRÓNICAS 12:2 - Dios Rimashcata Quillcashcami

² Roboam pichca huatata mandacucpimi, Mandac Diosta mana cazushpa, piñachishcamanta Egipto llactata jatun mandac Sisacca Jerusalenpi causaccunahuan macanacungapac huichai shamurca.

2 CRÓNICAS 12:2 ပူးပေါင်းရင်းမြစ်များ

1 REYES 11:40

Chaita yachashpami, Salomonca Jeroboamta huañuchinata munarca. Ashtahuanpish Jeroboamca miticushpami, Egipto llactata jatun mandac Sisacpacman rirca. Jeroboamca Salomón huañungacamanmi Egiptopi causarca.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 14:8

Asaca escudocunata, lanzacunata apashpa puric Judapac soldadocunataca quimsa patsac huarangatami charirca. Benjaminpac soldadocunataca ishcai patsac pusac chunga huarangatami charirca. Paicunaca escudotapish apac, flechatapish cacharinata yachacmi carcacuna. Tucui paicunami macanacunata alli yachac sinchi runacuna carca.

2 CRÓNICAS 14:9

Paicunahuan macanacungapacmi Etiopía llactata mandac Zeraca shuc junu soldadocunahuan, quimsa patsac carretacunahuan Maresa puebloman llucshimurca.

2 CRÓNICAS 24:18

Paicunapac ñaupa taitacunaca Mandac Diospac huasita shitashpami, Asera huarmi diosman ricchacunata, imamanpish riccha dioscunata ruhuashpa alli nircacuna. Chashna juchata ruhuashcamantami Mandac Diosca Judá llactapi causaccunahuanpish, Jerusalenpi causaccunahuanpish yallita piñarirca.

ISAÍAS 18:2

Paicunaca Nilo yacupimi huillaccunataca carrizo barcopi cachan. Yallita callpac huillagriccunalla, jagan nicuc manchana jatun runapacman richicyari. Paicunaca tucuipac manchana, yallita llaquichishpa manchachic, llactacunata quichuc sinchi runacunami. Paicunapac llacta muyunditaca jatun yacucunami ricun.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

LAMENTACIONES 5:15

Ñucanchic shungupica cushicuica ña mana tiyanchu. Ñucanchic danzaccunaca bailanapac randica, duelopi shinami, llaquilla tucushca.