2 CRÓNICAS 10:8 - Dios Rimashcata Quillcashcami

⁸ Ashtahuanpish paica chai pushac yuyaccuna cushca yuyaita saquishpami, paillahuantac huiñashca paita servic cunan huiñaicunaman yuyaita cuchun mañarca.

2 CRÓNICAS 10:8 ပူးပေါင်းရင်းမြစ်များ

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 CRÓNICAS 10:9

Paicunaman tapushpaca: —Ñucataca: “Cambac taita yugota apachishca shina llaquinayaita charishcamantaca ashallatapish cacharichiyari” nincunami. Shina ningapac shamuc gentecunataca, ¿ima nishpatac cutichina alli canga? ¿Ima yuyaitatac cunguichic?— nirca.

PROVERBIOS 1:25

Ashtahuanpish ñuca cunashcatapish, ñuca rimashcatapish mana munarcacunachu.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 19:20

Cunashcatapish, alli causachun rimashcatapish chasquingui. Chaicunata uyashpami yachac tucungui.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 27:10

Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

ECLESIASTÉS 10:16

Huambrarac jatun mandac mandacuc llactalla, ¡aij imachari tucungui! Chaipi mandaccuna tutamanta pacha, jatun micui ruhuashpa, fiestata ruhuaccunalla, ¡aij imachari tucunga!

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.