2 CRÓNICAS 1:8 - Dios Rimashcata Quillcashcami

⁸ Shina nicpimi, Salomonca Mandac Diostaca: —Canca, ñuca taita Davidtaca yallitami llaquishcangui. Chaimantami ñucataca paipac randi jatun mandac cachun churashcangui.

2 CRÓNICAS 1:8 ပူးပေါင်းရင်းမြစ်များ

2 SAMUEL 22:51

Paimi, pai acllashca jatun mandacta macanacuita mishachishpa cushichin. Aceitehuan cahuishpa paipaclla ruhuashca runata llaquinmi. Chashnami ñucatapish, ñuca huahuacunatapish huiñaita llaquin» nirca.

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 CRÓNICAS 17:16

Chashna huillacpi, David Mandac Diospac ñaupaman yaicushpa tiyarishpaca: «Mandac Dioslla, ñucapish, ñuca huasi familiapish, ¿ima cacpitac cai tucuita ruhuanguiyari?

1 CRÓNICAS 28:5

Mandac Diosca achca churicunatami ñucamanca cushca. Tucui cai ñuca churicunamantami ñuca churi Salomonta Mandac Diosca mandashpa tiyarinapi tiyarishpa, israelcunata mandachun churarca.

1 CRÓNICAS 29:23

Chashnami Salomonca paipac taita Davidpac randi Mandac Diospac mandashpa tiyarinapi tiyarirca. Paica tucuipimi alli llucshirca, israelcunapish tucuimi cazurcacuna.

1 CRÓNICAS 29:28

Paica achca huatacunata causashpa, yuyac cashpami huañurca. Paica tucui alli nishca achca charicmi carca. Pai huañucpica, paipac churi Salomonmi paipac randi mandarca.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

SALMOS 89:49

Jatun Dioslla, ¿utcapi llaquinaca imatac tucurca? Cashcata nic cashcamantami Davidhuan ari ninacurcangui.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.