2 CRÓNICAS 1:4 - Dios Rimashcata Quillcashcami

⁴ Ashtahuanpish Davidca Diospac Arcataca Quiriat-jearim pueblomantami carpa huasita pai shayachishca allichishca pushtupi churangapac apamushca carca.

2 CRÓNICAS 1:4 ပူးပေါင်းရင်းမြစ်များ

2 SAMUEL 6:17

Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

2 SAMUEL 6:2

Chai quipami, Davidca tucui paihuan cac gentecunandi, Judá llacta Baala pueblomanta Diospac Arcata apamungapac rirca. Chai Arcapimi tucuita Mandac Diosta mañac carca. Chaica querubincunapac chaupipimi carca.

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

1 CRÓNICAS 15:12

cayashpaca: «Cancunami levitacunapac familiacunata mandac canguichic. Chaimanta israelcunata Mandac Diospac Arcata ñuca acllashca pushtuman apamungapac cancunapish, cancunapac aillucunapish Diospaclla tucushpa chuyayaichic.

1 CRÓNICAS 15:3

Davidca, Mandac Diospac Arcata pai acllashca pushtuman apangapacmi tucui israelcunata Jerusalenpi tandachirca.

1 CRÓNICAS 16:1

Chashna apamushpami, Diospac Arcataca David ruhuashca carpa huasipi churana cashcapi churarcacuna. Chai quipaca Mandac Dios-huan alli tucungapacmi animalta huañuchishpa, shinallatac tucui rupachishpa Diospac ñaupapi curca.

2 CRÓNICAS 5:2

Salomonca tucui israelcunata pushac yuyaccunata, aillucunata tucui mandaccunata, familiacunata mandaccunatami Arcata Davidpac Sión puebloman apangapac Jerusalenpi tandachirca.

2 CRÓNICAS 6:2

Shina cacpipish, ñucaca can causachunmi shuc huasita shayachircani. Chai huasipimi canca huiñaita causangui» nirca.

JOSUÉ 9:17

Chaimantami israelcunaca chai runacuna causana pueblocunaman mashcangapac rishpa, quimsa punzhapi chayarca. Paicunapac pueblocunaca Gabaón, Cafira, Beerot, Quiriat-jearimmi carca.