2 CRÓNICAS 1:2 - Dios Rimashcata Quillcashcami

² Salomonca tucui israelcunata, huaranga, patsac soldadocunata mandaccunata, juezcunata, tucui israelcunata mandaccunata, familiacunata mandaccunatami tandachirca.

2 CRÓNICAS 1:2 ပူးပေါင်းရင်းမြစ်များ

1 REYES 3:4

Animalcunata huañuchishpa Diosman cungapacca Gabaonmanmi riccuna carca. Chaipi cac altarmi ashtahuan valichishca carca. Chaimantami Salomonpish achca animalcunata huañuchishpa Diosman cungapacca chaiman ric carca.

1 CRÓNICAS 13:1

Davidca huaranga soldadota, patsac soldadota mandaccunahuan, shinallatac caishuc mandaccunahuanmi parlanacurca.

1 CRÓNICAS 15:12

cayashpaca: «Cancunami levitacunapac familiacunata mandac canguichic. Chaimanta israelcunata Mandac Diospac Arcata ñuca acllashca pushtuman apamungapac cancunapish, cancunapac aillucunapish Diospaclla tucushpa chuyayaichic.

1 CRÓNICAS 15:3

Davidca, Mandac Diospac Arcata pai acllashca pushtuman apangapacmi tucui israelcunata Jerusalenpi tandachirca.

1 CRÓNICAS 24:31

Paicunapish paicunapac aillu Aaronpac huahua huahuacuna shinallatacmi Diosta servingapac suerteta ruhuarcacuna. Paicunaca jatun mandac Davidpac, Sadocpac, Ahimelecpac, ñaupa taitacunapac huasi ucupurata mandac curacunapac, levitacunapac ñaupapimi suerteta ruhuarcacuna. Chashnami taitacunata mandaccunatapish, paicunapac quipa huauquicunatapish, ruhuarcacuna.

1 CRÓNICAS 24:4

Eleazarpac huahua huahuapuramantami Itamarpac huahua huahuapuracunata ashtahuan mandaccuna tiyarca. Chaimantami, Eleazarpac huahua huahuapuramanta paicunapac ñaupa taitacunapac huasi ucupurata mandaccunataca chunga sucta curacunata churarca. Itamarpac huahua huahuapuramanta paicunapac taitacunapac huasi ucupurata mandaccunaca pusac curacunami carca.

1 CRÓNICAS 27:1

Israel huasi ucupurata mandaccuna, huaranga soldadocunata mandaccuna, patsac soldadocunata mandaccunata mandaccunami tiyarca. Chai mandaccunami huatapi cada quilla mashna yaicuc, mashna llucshic soldadocunata ricushpa, jatun mandacta serviccuna carca. Chai cada tandanacushca soldadocunaca ishcai chunga chuscu huarangami carca.

1 CRÓNICAS 28:1

Davidca tucui israelcunata mandaccunata, aillucunata mandaccunata, jatun mandacta servingapac quillanta shamuc soldadocunata mandaccunata, huaranga soldadocunata, patsac soldadocunata mandaccunata, jatun mandacpac tucui ima charishcacunata, paipac churicunapac ima charishcacunata mandaccunata, paipac soldadopurapi ashtahuan alli nishca sinchi soldadocunatami Jerusalenpi tandachirca.

1 CRÓNICAS 29:1

Chai quipami Davidca tucui tandanacushcacunataca: «Ñuca churi Salomonllatami Diosca acllashca. Paica chairac huambrarac, yuyaitapish manarac alli charinchu, ashtahuanpish chai huasita shayachinaca sinchimi. Chai huasica mana runamanchu, ashtahuanpish Diosmanmi.

2 CRÓNICAS 1:3

Chai quipaca tucui chai tandanacushca gentecunahuanmi, Gabaón lomapi cac Dios-huan tupana huasipi cac altarman rirca. Chai carpa huasitaca Mandac Diosta servic Moisesmi shitashca pambapi ruhuashca carca.

2 CRÓNICAS 29:20

Jatun mandac Ezequiasca utca jatarishpami, pueblopi causac gentecunata mandaccunata tandachishpa, Mandac Diospac huasiman huichai rirca.

2 CRÓNICAS 30:2

Jatun mandacca pai churashca mandaccunahuan, shinallatac Jerusalenpi tandanacushca tucui gentecunahuanmi ishcainiqui quillapi Pascua micuita ruhuangapac yuyarirca.