2 CORINTIOS 9:5 - Dios Rimashcata Quillcashcami

⁵ Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

Nuevo Testamento en Quichua Cañar 1996

⁵ Chashna cacpimi cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

2 CORINTIOS 9:5 ပူးပေါင်းရင်းမြစ်များ

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

2 REYES 5:15

Chai quipami Naamanca paipac ricsishcacunahuan Diospac runapacman cutishpa, paipac ñaupapi shayarishpaca: —¡Riqui, tucui cai allpapica Diosca mana tiyanchu! ¡Ashtahuanpish Israel llactapimi tiyan! ¡Chaitami cunan yachac chayani! ¡Chashna cashcamanta canta servic ñuca ima carashcatapish chasquiyari!— nirca.

1 CORINTIOS 16:2

Ñuca chayac rato mana tandacungapacca, cada semana callari punzhapimi, tucui mashna asha ofrendata tandachishpa charicuna canguichic.

2 CORINTIOS 8:6

Chaimantami Titotaca pai puntaman callarishca shinallatac, Dios cuyashcamanta cancuna cushcacunata tandachichun nishpa mañarcanchic.

2 CORINTIOS 9:3

Shina cacpipish, ñuca cancunamanta “allicunami” nishpa huillashca ama yanga cachunmi, cai huauquicunataca ñaupachishpa, cancuna allichirishca cachun cachani.

2 CORINTIOS 9:6

Ashallata tarpucca ashallatami tandanga. Achcata tarpucca achcatami tandanga. Chaitaca alli yuyarichic.

FILIPENSES 4:17

Cancuna ima cushcata chasquinallataca mana yuyanichu, ashtahuanpish cancuna carashcamantaca Diospac ñaupapi ashtahuan charichunmi munani.

JUECES 1:15

Shina nicpimi paica: —Ñuca mañashcata uyaiyari. Neguev allpata cushpaca yacucunatapish cuiyari— nirca. Shina nicpimi, Calebca yacu llucshicuc junducunataca jahuapipish, urapipish curca.

1 SAMUEL 25:27

Cunanca, ñuca mandacman carangapac canta servic ñuca apamushcata chasquishpa, ñucata mandacta catishpa puric runacunaman carai.

1 SAMUEL 30:26

Siclag pueblopi David chayashpaca, macanacushpa quichumushcacunataca Judá llactapi causac yuyaccunamanpish, paipac ricsishcacunaman cuchun cachashpaca: «Riqui, caicunatami canman carani. Caicunaca Mandac Diosta piñaccunamanta quichumushcacunami» nirca.