2 CORINTIOS 7:11 - Dios Rimashcata Quillcashcami

¹¹ Cancuna Dios munashca shina llaquirishcamantami, ima tucushcata yuyarishpa ima shina cashcata entendishpa, allichirishpa, yuyaita japircanguichic. Piñarishpapish, manchana yuyaitami japircanguichic. Ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

Nuevo Testamento en Quichua Cañar 1996

¹¹ Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 7:11 ပူးပေါင်းရင်းမြစ်များ

NEHEMÍAS 13:25

Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SALMOS 119:139

Ñucata piñaccunaca cambac rimashcata cungarishcamantami, yallita llaquirishpa huañucuni.

SALMOS 130:6

Ñuca almaca pueblota cuidaccuna pacarichun shuyac shinami, Mandac Diosta shuyacun.

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.

SALMOS 2:11

Mandac Diostaca manchaihuan servichicyari. Chucchushpa cushicuichicyari.

SALMOS 35:13

Paicuna ungushpa llaquilla cacpica, sharpa churanata churarishpami llaquilla purircani. Yallita llaquirishpami ayunashpa ñuca shungupica mañacurcani.

SALMOS 38:9

Jatun Dioslla, ñuca tucui ima munashcataca yachanguimi. Ñuca shungu llaquiricushcaca mana pacallachu can.

SALMOS 42:1

Ñuca Dioslla, taruga yacuta huacashpa mashcac shinami ñuca almapish cantaca mashcacun.

SALMOS 69:9

Canta mañana huasita yallita munashpami huañucuni. Canta rimashcacunaca ñucatami llaquichin.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

CANTARES 8:6

Cambac shungupica sellota churaiyari. Cambac rigrapipish sellota churaiyari. Cuyaica huañui shina mana jarcaipacmi. Cuyana yuyaica Seol shina mana cacharicmi. Cuyaica carbón rupacuc shina rupacmi.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

DANIEL 6:14

Shina nicpimi, jatun mandacca yallita llaquirishpa, ima shinapish Danielta quishpichinata munarca. Chashnami inti tigrangacaman ima shinapish quishpichingapac caita chaita yuyarirca.

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

SAN JUAN 2:17

Chaimantami Jesuspac yachacuccunaca: “Diosta mañana huasitaca yallitami cuyani” nishpa, Dios quillcachishcapi David nishcata yuyarirca.

HECHOS 17:16

Pabloca Atenas pueblopi Silasta, Timoteota shuyacushpaca, achca ruhuashcalla dioscunata chai pueblopi ricushpami, paipac shungupi yallita piñarirca.

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

ROMANOS 14:18

Chai shina Cristota servishpami, Diosta cushichishpa, runacunapacpish alli nishca causan.

ROMANOS 3:5

Ñucanchic mana allita ruhuashcacunallatac Dios cashcata ruhuac cashcata ricuchicpica, ¿imatatac nishun? Ñucanchicta llaquichicpica, ¿Diosca millaimantami llaquichin nishunchu? Caitaca gentecuna yuyashca shinami rimagrini.

1 CORINTIOS 12:25

Cuerpopi tiyac partecuna ama chicanyarinacushpa, caishuc chaishuc ayudanacuchunmi, chashnaca ruhuashca.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

2 CORINTIOS 13:7

Cancuna imapish mana allita ama ruhuachunmi, Diosta mañanchic. Chashnaca mana ñucanchic allipi ricuringaraicuchu mañacunchic, ashtahuanpish ñucanchicta pandarishcami nishpa juchanchicucpish, cancuna allicunata ruhuachunmi mañanchic.

2 CORINTIOS 2:6

Chai llaquichic runaman cancunamanta taucacuna llaquita churashcaca, ña chailla cachun.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

2 CORINTIOS 7:7

Mana Tito shamushcallamantachu ashtahuanpish Pai cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunayaihuan cashcatapish, ñucata llaquichishcamanta llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

2 CORINTIOS 7:9

Cunanca mana chai quillcashca cancunata llaquichishcamantachu cushicuni, ashtahuanpish cancuna Diosman cutirishpa llaquirishcamantami cushicuni. Cancunaca Dios munashca shinami llaquirircanguichic. Ñucanchicca ima mana allitaca mana ruhuarcanchicchu.

2 CORINTIOS 9:2

Cancuna quiquin munaimanta cuna cashcataca yachanimi. Yalli huatamanta pachami, Acaya llacta criccuna quiquin munaimanta ayudanata munashcataca, Macedonia llacta criccunamanca cushicushpa huillacuni. Macedoniapi causac achca criccuna caita uyashpaca cushicushpami, ayudanata munancuna.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

2 TIMOTEO 2:15

Diospac ñaupapi alli ricuringapacca, shuc allitac trabajac runa shina imatapish allita ruhuana yuyailla caiyari. Chashna ruhuashpami imamanta mana pingaichishca cangui, alli huillaitapish allita yachachingui.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.

HEBREOS 4:1

Chaimanta samarinapi Dios yaicuchisha nicucpirac huacaichiringuichic. Pacta cancunapuramanta maijan mana yaicui pudishpa saquiringuichicman.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

SAN JUDAS 1:23

Ninapi rupangapac ricuccunataca, ninamanta aisac shina quishpichichic. Shuccunataca paicuna shina mana allita ruhuanamanta cuidarishpa ayudaichic. Paicuna mana allita ruhuashcamanta churanacunacaman mapayashcataca millanami canguichic.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.