2 CORINTIOS 6:5 - Dios Rimashcata Quillcashcami

⁵ Chashnami macashca, carcelpi churashca, tandanacushpa camishca, sinchi ruhuaihuan, mana sueñushca, shinallatac yarcaihuanpish carcanchic.

Nuevo Testamento en Quichua Cañar 1996

⁵ Shinami macacpipish, carcelpi churacpipish, tandanacushpa c'amicpipish, sinchi ruhuaipipish, mana suiñushpapish, shinallatac yarcaihuanpish carcanchic.

2 CORINTIOS 6:5 ပူးပေါင်းရင်းမြစ်များ

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

ISAÍAS 53:5

Paica, ñucanchic Diosta mana cazushcamantami chugrichishca carca. Ñucanchic juchacunamantami yallita llaquita aparca. Ñucanchic cushi causachunca paitami llaquichirca. Ñucanchicca paipac chugrimantami jambirishca canchic.

JEREMÍAS 33:1

Cárcel canzha pambapi Jeremías prezu cacpimi, cutinllatac Mandac Diosca:

JEREMÍAS 38:6

Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

EZEQUIEL 3:17

«Huañunalla runa, cantaca israelcunata chapachunmi churani. Cunanca ñuca rimashcata alli uyashpa, ñucapac randi sinchita rimangui.

SAN MATEO 14:10

Juanpac umata pitimuchun carcelman cacharca.

SAN MATEO 14:3

Herodesca paipac huauqui Felipepac huarmi Herodías nishcata uyashpami, Juantaca cadenahuan huatashpa, carcelpi churachishca carca.

SAN MATEO 9:15

Chashna tapucpimi Jesusca: —¿Bodapi caccunaca, Novio paicunahuan cacpica, llaquillachu canga? Ashtahuanpish Novio illaclla cana punzhacunami chayamucun. Chai punzhapimi ayunanga.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 14:19

Antioquía pueblomantapish, Iconio pueblomantapish maijan israelcuna shamushpami, gentecunata jatarichirca. Pablota rumicunahuan shitashpa, huañunallata ruhuashpami, “ñami huañun” nishpa, aisashpa, chai pueblomanta llucchirca.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

HECHOS 23:10

Tucui gentecuna yallita bullai callaricpimi, huaranga soldadocunata mandacca Pablota llaquichinata manchashpa, soldadocunata cayac cacharca. Paicunami Pablotaca cuartelman aparca.

HECHOS 23:35

cashcata yachashpaca: “Canta juchanchiccuna shamucpimi, can ima nishcataca uyasha” nirca. Chaimantami soldadocunata alli cuidachun, Herodes causana jatun huasipi churachirca.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 26:10

Jerusalenpipish chashnallatacmi ruhuarcani. Mandac curacunaman quillcata mañashpami, Diospaclla cac tauca criccunata carcelpi churarcani. Paicunata huañuchicpipish “allitami ruhuan” yuyarcanimi.

HECHOS 26:29

Chashna nicpimi Pabloca: —¡Diosca, ashallamanta, mana cashpaca achcamanta ñuca shina cric cachunmi munan! ¡Mana canlla, ashtahuanpish tucui caipi uyaccunapish cric cachunmi munani! ¡Ñuca shina cadenahuan huatashca cachunca mana munanichu!— nirca.

HECHOS 28:30

Pabloca ishcai huatatami pai arrendashca huasipi causarca. Tucui shamuccunatami sumacta chasquishpa,

HECHOS 5:18

Shinami apostolcunataca japishpa, carcelpi churarca.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 4:11

Cunancamanmi yarcaihuan, yacunayaihuan, huasi illaclla, churana illaclla, gentecuna macashca canchic.

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana sueñushpa pacarircani. Yarcaihuanpish, yacunayaihuanpish carcanimi. Tauca cutinmi mana micurcani. Chirimantapish, churana illaimantapish llaquitami aparcani.

EFESIOS 3:1

Chaimantami ñucaca Jesucristopacta ruhuacushcamanta, cancuna mana israelcunapac allipac caipi prezu cani.

DEUTERONOMIO 25:3

Chuscu chunga cutincamanllami chicotena can. Chaimanta yallihuan chicotepica, cai runaca cancunapurapi pingaichishca cashcata yuyangami.

FILIPENSES 1:13

Chaimantami ñuca Cristota caticushcamanta caipi prezu cactaca, jatun mandacpac soldadocunapish, tucui caipi caccunapish yachancuna.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Diospac poderhuan ñuca shina llaquita apanguilla.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

HEBREOS 13:23

Ñucanchic huauqui Timoteo ña carcelmanta llucshishcata yachachunmi munani. Pai utca shamucpica, paihuanmi cancunata ricungapac risha.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.