2 CORINTIOS 5:20 - Dios Rimashcata Quillcashcami

²⁰ Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

Nuevo Testamento en Quichua Cañar 1996

²⁰ Shina cashcamantami ñucanchicca Cristopac randi huillachun cachashca huillaccuna canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dioshuan alli tucuichic” nishpa mañacunchic.

2 CORINTIOS 5:20 ပူးပေါင်းရင်းမြစ်များ

2 REYES 17:13

Mandac Diosca paita servic pai ima nishcata huillaccunata, pai ricuchishcata huillaccunata israelcunamanpish, Judá gentecunamanpish huillachishpaca: «Millaicunata ruhuanata saquishpa, ñuca mandashcacunata, ñuca yachachishcacunata cancunapac ñaupa taitacunaman ñuca mandashca shinallatac tucuita cazushpa causaichic» nirca.

2 CRÓNICAS 36:15

Paicunapac ñaupa taitacunata Mandac Diosca pai acllashca gentecunatapish, paipac huasitapish llaquishpami, pai ima nishcata huillaccunata cutin cutin huillachirca.

NEHEMÍAS 9:29

Can mandashcata pactachichun nishpa rimacpipish, jatun tucushpami, mana cazurcacuna. Can yachachishcacunatapish, mana cazushpami, juchata ruhuarca. Maijanpish cazuccunamanca, chai mandashcacunami causaita cun. Paicunaca sinchi tucushpami, chai mandashcacunata yangata ruhuashpa mana uyarcacuna.

JOB 22:21

Cunanca Dios-huan alli tucuiyari. Sumac causaitami charingui. Chaimantaca allicunatami japingui.

JOB 33:23

Diospac huaranga angelcunamanta shuc ángel, runa allita ruhuana cashcata Diosman tapuc tiyashpachari alli canman.

JOB 33:6

Canpish, ñucapish Diospac ñaupapica chashnallatacmi canchic. Ñucapish allpamanta ruhuashcallatacmi cani.

PROVERBIOS 13:17

Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

ISAÍAS 27:5

Maijanpish ñucahuan alli tucusha niccunallami saquiringa. ¡Ari, ñucahuan alli tucusha niccunaca alli tucuchunlla!» nisha.

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN LUCAS 14:23

Chashna nicpimi amoca: “Shinashpaca mai callecunamantapish, ñancunamantapish pushamushpa, ñuca huasipi jundachi.

SAN JUAN 20:21

Cutinllatac Jesusca: —Cushicuichic, ama manchaichicchu. Ima shinami ñuca Taita ñucata cacharca, chashnallatacmi cancunataca ñucaca cachani— nirca.

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

2 CORINTIOS 12:10

Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

EFESIOS 6:20

Diosmi ñucataca alli huillaita huillachun cacharca. Chaita huillacushcamantami cunanca prezu cani. Diosmanta imata mana manchashpa ñuca huillangapac Diosta mañaichic.

COLOSENSES 1:20

Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.