2 CORINTIOS 5:1 - Dios Rimashcata Quillcashcami

¹ Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

Nuevo Testamento en Quichua Cañar 1996

¹ Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

2 CORINTIOS 5:1 ပူးပေါင်းရင်းမြစ်များ

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

JOB 30:22

Huairapi tiyachishpami jahuata cacharcangui. Manchana tamya puntapimi cacharircangui.

JOB 4:19

Ñuto allpa jahuapi allpamanta huasichishca shina, runacunatacarin, ¡maitatac alli ningayari! ¡Paicunaca polilla micucpi tucurinallami cancuna!

SALMOS 56:9

Ñuca canta mañai punzhaca ñucata piñaccunaca cutishpa callpangacunami. Dios ñuca ladopi cashcataca yachanitacmi.

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

MARCOS 14:58

—Ñucanchicca: “Runacuna ruhuashca, cai Diosta mañana huasitaca urmachishpa, quimsa punzhapica mana runacuna ruhuashca shucta huasitami shayachisha” nictami uyarcanchic— nirca.

HECHOS 7:48

Shina cacpipish, jahua pacha Diosca gentecuna ruhuashcalla huasicunapica mana causanchu. Dios ima nishcata huillaccuna quillcachishpaca:

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

2 CORINTIOS 5:4

Cai carpa huasi shina cuerpohuan causacushpaca, llaquihuanmi causacunchic. Lluchulla shinaca mana cashun ninchicchu, ashtahuanpish churanata churaric shinami, cai huañunalla cuerpotaca mushuc causaihuan chingachinata munanchic.

COLOSENSES 2:11

Cancunaca Cristohuan shuclla tucushcamantaca, mana gentecunalla circuncisionta ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

2 TIMOTEO 1:12

Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

HEBREOS 11:10

Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

HEBREOS 9:11

Chashna cacpipish Apunchic Jesusca ñamari shamurca. Paica allicunata ricuc jatun mandac curami. Paica ñaupa ucuta yalli alli Diospaclla sumac ucupimi. Chaica mana cai pacha gentecuna ruhuashcachu.

HEBREOS 9:24

Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.

2 PEDRO 3:11

Chai shina Dios tucuita tucuchina cashcamantaca, cancunaca tucui mana allimanta anchurishpami, Diospaclla causana canguichic.

1 JUAN 3:14

Ñucanchicca huauquicunata cuyaccuna cashpami, huañuimanta causaiman pasashca cashcata yachanchic. Maijanpish mana cuyacca huañushca shinami causacun.

1 JUAN 3:19

Chashnami cashcata ruhuacpac cashcata yachashpa, Diospac ñaupapi alli cashcatapish yachashun.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.