2 CORINTIOS 4:8 - Dios Rimashcata Quillcashcami

⁸ Ima llaquicuna japishpapish, mana atishcachu. Llaquihuan cashpapish, mana chai yuyailla puricunchicchu.

Nuevo Testamento en Quichua Cañar 1996

⁸ Ima llaquicuna japishpapish, ñucanchictaca mana atishcachu. Ima llaquihuan cashpapish, mana chai yuyailla llaquirishpa puricunchicchu.

2 CORINTIOS 4:8 ပူးပေါင်းရင်းမြစ်များ

SALMOS 129:2

«Huambramanta pachami ñucataca yallita llaquichirca. Shina llaquichishpapish mana ati pudircacunachu.

SALMOS 37:33

Mandac Diosca mana chai runapac maquipica saquingachu. Juezcuna juchanchishpa yallita llaquichichunpish mana saquingachu.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

HABACUC 3:17

Higo yuracuna mana sisacpipish, uvas yuracunapi grano mana tiyacpipish, olivos mana pucucpipish, allpacuna mana cucpipish, oveja manada mana tiyacpipish, vacacuna corralpi mana tiyacpipish,

SAN JUAN 14:18

Mana cancunallata saquishachu, cancunapacman cutimushami.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

2 CORINTIOS 12:10

Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.

2 CORINTIOS 6:12

Cancunataca achcatami ñucanchicca cuyanchic, ashtahuanpish cancunami mana cuyanguichic.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.

2 CORINTIOS 7:5

Macedonia llactaman chayamushpaca imata mana samarircanchicchu, ashtahuanpish llaquicunahuanmi maipipish carcanchic. Canzhapica mana ricunayachic gentecunami llaquichirca, ñucanchic shungupica manchaimi llaquichicurca.

GÁLATAS 4:20

Chaimantami cunanllata cancunapacman rishpa, ñuca imata yuyacushcata sumacta rimana yuyaihuan cani. Cancunata imata ninata mana yachanichu.

1 SAMUEL 28:15

Chaipimi Samuelca Saultaca: —¿Imapactac ñucata huichai cayashpa piñachingui?— nirca. Shina nicpimi Saulca: —Filisteocunami ñucata piñashpa macanacungapac shamushca. Diospish ñucamantaca anchurishcami. Chaimantami ñucaca yalli llaquiricuni. Ñuca tapushcataca Diosca muscuipipish, pai ima nishcata huillaccunamanpish imata mana huillanchu. Chaimantami ñuca ima ruhuanata huillachun cantaca cayarcani— nirca.

1 SAMUEL 30:6

Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.

1 SAMUEL 31:4

Chaimantami Saulca paipac escudota apac runataca: «Cambac espadata llucchishpa, ñucata huañuchi. Circuncisionta mana ruhuashca chai runacuna shamushpa, ñucata huañuchishpa, asichunca mana munanichu» nirca. Shina nicpi, paipac escudota apac runaca yallita manchashpami, mana huañuchisha nirca. Chaimantami Saulca paipac espadallatatac japishpa, paillata huañurca.