2 CORINTIOS 4:17 - Dios Rimashcata Quillcashcami

¹⁷ Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

Nuevo Testamento en Quichua Cañar 1996

¹⁷ Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.

2 CORINTIOS 4:17 ပူးပေါင်းရင်းမြစ်များ

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

SALMOS 119:67

Ñaupa can manarac llaquichicpimi pandarishpa causarcani. Ashtahuanpish cunanca cambac rimashcacunata cazushpami causani.

SALMOS 119:71

Allitami llaquichircangui. Chashna ruhuacpimi, can mandashcacunataca cazuni.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

SALMOS 31:19

¡Canta manchaccunapacca mai allimi cangui! Paicunataca yallitami cuyangui. Huañunalla gentecunapac ñaupapimi chai cuyaitaca canta shuyaccunaman ricuchishcangui.

SALMOS 73:24

Canca cunashpami ñucataca pushangui. Quipataca alli nishpami chasquingui.

ISAÍAS 26:20

Ñuca llactapi causaccunalla, ucucunaman yaicushpa pungucunata huichcarichic. Dios piñarishca pasaringacaman ashata miticuichic.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

ISAÍAS 64:4

Canta yuyarishpa shuyaccunaman ima ruhuashcataca jaicapi pipish mana uyashcachu, mana ricushcachu. Can shina shuctac Dios tiyashcataca pipish mana ricushcachu.

NÚMEROS 5:28

Ashtahuanpish chai huarmi shuctac carihuan chayarishpa, mana mapayashca cacpica, ima mana tucushcachu nishcami canga. Shinallatac huahuatapish charingami.

SAN MATEO 5:12

Chashna llaquichicpipish, ¡cushicuichiclla! Diosca jahua pachapimi, cancuna japina cashcata yallita cunga. Ñaupa punzhapipish Dios ima nishcata huillaccunataca llaquichircacunami.

SAN LUCAS 6:23

Cancunata chashna llaquichicpipish, ¡cushicuichiclla! Diosca jahua pachapica, cancuna japina cashcataca achcatami cunga. Dios ima nishcata huillaccunatapish chai shinallatacmi ñaupa taitacunaca llaquichic carca.

HECHOS 20:23

Ashtahuanpish Diospac Espiritumi ñucataca: “Mai puebloman rishpapish, llaquitami apangui, carcelpi churashcami cangui” nishcallatami yachani.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

ROMANOS 8:18

Cunan punzha llaquita apacushcaca, quipa punzhapi alli nishca canahuan chimbapuracpica, ima mana canchu. Chaitaca yachanimi.

ROMANOS 8:34

¿Pitac paicunataca juchanchinga? Jesucristomi ña huañurca. Paimi huañushcacunapuramanta causarishpa, Diospac alli maquiman rishpa ñucanchicmanta mañacun.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

1 CORINTIOS 2:9

Ashtahuanpish Dios quillcachishcapica: «Imapish mana ricushcata, mana uyashcata shinallatac jaicapi mana yuyashcatami, paita cuyaccunamanca Diosca cusha nicun» ninmi.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

FILIPENSES 1:19

Cancuna ñucamanta Diosta mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

2 TESALONICENSES 1:4

Cancunaca llaquihuan cashpapish, piñacucpipish sinchitami caticunguichic. Chaimantami tucui tandanacushca criccunapica yallita cushicunchic.

2 TESALONICENSES 1:6

Cancunata llaquichiccunataca, cashcata ruhuac Diosmi llaquichinga.

2 TIMOTEO 2:10

Chaimantami Dios tucui acllashcacuna Jesucristohuan shuclla tucushpa, sumaimana huiñai causaita paicunapish japichun nishpa cai llaquicunataca apacuni.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.