2 CORINTIOS 3:9 - Dios Rimashcata Quillcashcami

⁹ Chingarina cashcata ricuchic mandashcacuna sumaimana cacpica, “¡Dios-huan ña alli tucushcami cangui” nishpa huillashcacarin, chaita yallimi mai sumaimana canga!

Nuevo Testamento en Quichua Cañar 1996

⁹ Chingarina cashcata ricuchic mandashcacuna sumaimana cacpica, ¡“Taita Dioshuan ña alli tucushcami cangui” nishpa huillashcacarin, chaita yallimi mai sumaimana canga!

2 CORINTIOS 3:9 ပူးပေါင်းရင်းမြစ်များ

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

ROMANOS 4:11

Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 15:41

Intica mana quilla shina, mana lucerocuna shinachu achicyachin. Lucerocunapuramantapish shuctac shuctaclayatami achicyachin.

2 CORINTIOS 3:8

Chashna cacpica, ¡Diospac Espiritumanta mushuc ari ninacuita huillashcacarin, chaita yallimi mai sumaimana canga!

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

DEUTERONOMIO 27:26

Cutin: “¡Cai mandashcapi ima nishcacunata mana cazushpa, mana pactachicca, llaqui tucushca cachun!” nicpica, tucui gentecunami: “¡Chashna cachun!” ninga.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.