2 CORINTIOS 3:5 - Dios Rimashcata Quillcashcami

⁵ Tucui caicunataca mana ñucanchic yachac cashcallamantachu ruhuanchic, ashtahuanpish Diosmi ruhuachicun.

Nuevo Testamento en Quichua Cañar 1996

⁵ Tucui cai ruhuanataca mana ñucanchic yachac cashcallamantachu ruhuanchic, ashtahuanpish Taita Diosmi ruhuachicun.

2 CORINTIOS 3:5 ပူးပေါင်းရင်းမြစ်များ

GÉNESIS 41:16

Shina nicpimi Joseca: —Chaitaca Diosmi huillachin. Diosmi can jatun mandac Faraonpac allipac huillanga— nirca.

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 24:49

Ñuca Taita cachasha nishca Espirituta cancunapacmanca cachashami. Jahua pachamanta poderta cachangacaman cai Jerusalén pueblollapitac shuyanguichic— nirca.

SAN JUAN 15:5

Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 3:10

Dios paipac cuyaimanta cayacpimi, huasichic shina pircai callarircani. Callari pircata ñuca ruhuashca quipaca, shucmi pircata churashpa caticun. Chai pircata churaccunaca, tucuimi quiquinllatac ima shina churacushcata ricuna can.

1 CORINTIOS 3:6

Ñucaca muyuta tarpuc shina, cutin Apolosca parcuc shinami canchic. Tarpushca muyuta huiñachicca Diosmi can.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

2 CORINTIOS 2:16

Chingarinaman riccunataca cai mishquilla ashnacuc shina alli huillaica huañuimanmi pushacun, ashtahuanpish quishpirinaman riccunataca cai mishquilla ashnacuc shina alli huillaica causaimanmi apacun. Shina cacpica, ¿pitac cai alli huillaitaca huillai pudingayari?

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

2 TIMOTEO 2:2

Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.