2 CORINTIOS 13:1 - Dios Rimashcata Quillcashcami

¹ Caihuanca quimsa cutinmi cancunata ricungapac rigrini. Tucui imatapish ishcai cashpa, quimsa cashpa imata ricushcata huillac tiyacpimi, allichishca canga.

Nuevo Testamento en Quichua Cañar 1996

¹ Caihuanca quimsa cutinmi cancunata ricungapac rigrini. Tucui imatapish ishcai cashpa, quimsa cashpa imata ricushcata huillac tiyacpimi, allichishca canga.

2 CORINTIOS 13:1 ပူးပေါင်းရင်းမြစ်များ

1 REYES 1:14

Jatun mandac-huan can chashna parlacucpimi, ñucapish canta catishpa yaicusha. Chaipimi, can ima shina nicushcataca chashna cashcata huillasha— nirca.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

NÚMEROS 35:30

Huañuchic runataca tauca testigocuna huillacpimi, paitapish huañuchinga. Ashtahuanpish shuclla huillac cacpica, pita cashpapish mana huañuchinachu.

SAN MATEO 18:16

Can rimashcata mana uyacpica, shucta, mana cashpaca ishcaita pushashpa ringui. Ishcai, mana cashpaca quimsa rishpa uyashpami, cierto cashcata huillanga.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunaman cullquita tandachinchu, ashtahuanpish taitacunami huahuacunaman tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.

DEUTERONOMIO 17:6

Chai runataca ishcai, mana cashpaca quimsa testigo huillacpimi, huañuchina can. Shuclla huillac tiyacpica, mana huañuchinachu.

DEUTERONOMIO 19:15

Ima llaquita, mana cashpaca ima juchata ruhuashcata shuc testigolla huillacpica, mana imata ruhuanachu can. Ashtahuanpish ishcai, mana cashpaca quimsa runa ricushpa huillacpimi, imatapish ruhuana can.