2 CORINTIOS 12:2 - Dios Rimashcata Quillcashcami

² Cristota cric shuc ricsishca runatami quimsaniqui jahua pachaman apashca carca. Chaica ñami chunga chuscu huata tucun. Chaitaca cuerpondichari, mana cashpaca almallachari apashca carca, chaitaca mana yachanichu, Diosllami yachan.

Nuevo Testamento en Quichua Cañar 1996

² Cristota cric shuc runatami ricsini. Paitaca quimsa jahua pachamanmi apashca carca. Chaica ñami chunga chuscu huata tucun. Shina cashpapish cuerpondicchu apashca carca, mana cashpaca almallachari apashca carca, chaitaca mana yachanichu, Diosllami yachan.

2 CORINTIOS 12:2 ပူးပေါင်းရင်းမြစ်များ

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

2 REYES 2:16

Chashna cumurishpaca: —Riqui, caipimi canta servic pichca chunga alli sinchi runacunaca shayacun. Paicunata canta mandac Eliasta mashcachun cachai. Eliastaca, Mandac Diospac Espirituca mai urcucunapi, mana cashpaca mai pambacunapimi shitashca canga— nircacuna. Shina nicpimi Eliseoca: —Ama pita cachaichicchu— nirca.

SALMOS 148:4

¡Jahua pachamanta ashtahuan jahuapi cac pachacunapish alabaichicyari! ¡Jahua pachapi tiyac yacucunapish alabaichicyari!

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

EZEQUIEL 11:24

Chai quipa, Mandac Diospac Espiritumi ñucataca muscuipi shina cutinllatac prezu apashca gentecuna causacuc caldeocunapac llactaman pusharca. Chai quipaca ña mana muscuipi shinataca ricurcanichu.

EZEQUIEL 43:5

Chaimantaca Diospac Espiritumi chai huasi ucuman pusharca. Chaipimi Mandac Diospac sumaimana achic nicuc paipac huasi ucupi jundashcata ricurcani.

SAN LUCAS 24:51

Chashna mañashpa paicunamanta anchurishpaca, jahua pachaman Dios apacpimi chingarircalla.

SAN JUAN 6:56

Maijanpish ñuca aichata micucca, ñuca yahuarta ubiacca, ñucahuanmi causan. Ñucapish paihuanmi causani.

HECHOS 14:6

Chaita yachashpami, Pabloca Bernabehuan miticushpa, Licaonia llacta Listra pueblomanpish, Derbe pueblomanpish, chai cuchulla llactacunamanpish rishpa,

HECHOS 22:17

Jerusalenman cutishpaca, Diosta mañana huasipi mañacushpami, muscuipi shina Apunchic Jesús ricurirca.

ROMANOS 16:10

Cristota sinchita catic Apelestapish saludanguichic. Aristobulotapish, paipac familiacunatapish saludanguichic.

ROMANOS 16:3

Ñucahuan pacta Apunchic Jesusta servic Priscila huarmitapish, paipac cusa Aquilatapish saludanguichic.

ROMANOS 16:7

Ñuca llacta Andronicotapish, Junias huarmitapish saludanguichic. Paicunami ñucahuan carcelpi carcacuna. Paicunaca Apostolcunapurapi alli nishcacunami, ñucapac ñaupa criccunami.

ROMANOS 16:9

Jesucristota servinata ayudac Urbanotapish, ñucahuan yalli apanacuc Estaquistapish saludanguichic.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 11:11

Chashna nishpaca, ¿cancunata mana cuyashcamantachu chashnaca nini? Diosllatacmi ñuca cancunata cuyac cashcataca yachan.

2 CORINTIOS 13:5

Cancuna alli cric cashcata yachangapacca, cancunallatac ima shina cashcata yuyarichic. Ima shina cashcataca alli yuyarichicyari. Jesucristo cancunapac shungupi cashcataca, ¿manachu yachanguichic? Cristo cancunapac shungupi cashcata mana yachashpaca, mana crishpa pandariccunami canguichic.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

GÁLATAS 1:22

Chai punzhacunapica Cristota cric, Judea llactapi causac tandanacushca criccunaca ñucataca mana ñahui ñahui ricsircacunachu,

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

EFESIOS 4:10

Shina shamushca cashpami, paillatac tucui maipipish cangapacca jahua cielomanta ashtahuan jahuaman rirca.

DEUTERONOMIO 10:14

Riquichic, jahua pachapish, ashtahuan jahuaman cac pachapish, cai pachapish, chaipi tucui tiyaccunapish Mandac Diospacmi can.

1 TESALONICENSES 4:17

Chai quipaca, ñucanchic causacuccunaca causarishcacunandimi Apunchic Jesus-huan jahua pachapi tupangapac puyupi apashca cashun. Chashnami Apunchic Jesus-huan huiñaita causashun.

HEBREOS 4:14

Diospac Churi Jesusca jatun mandac cura cashpami, jahua pachaman yaicurca. Chaimantami ñucanchicca crishpa, catirana canchic.

HEBREOS 9:24

Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.

APOCALIPSIS 1:10

Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca:

APOCALIPSIS 12:5

Chai huarmica tucui cai pachapi causaccunata, fierro varahuan mandagricuc shuc cari huahuatami sajuarirca. Ashtahuanpish chai huahuaca mandashpa tiyarinapi tiyacuc Diospac ñaupamanmi apashca carca.

APOCALIPSIS 4:2

Shina nincami ñucata Diospac Espíritu japicpi, jahua pachapi jatun mandac mandashpa tiyarinapi shuc mandac tiyacucta ricurcani.