2 CORINTIOS 12:10 - Dios Rimashcata Quillcashcami

¹⁰ Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.

Nuevo Testamento en Quichua Cañar 1996

¹⁰ Cristomantaca ñuca imatapish mana ruhuaipac laya cashcamantapish, ñucata c'amishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipac laya cashpaca, ashtahuanmi imatapish ruhuaipac laya cani.

2 CORINTIOS 12:10 ပူးပေါင်းရင်းမြစ်များ

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN JUAN 15:21

Ñucata Cachacta mana ricsincunachu. Chaimantami cancunataca ñucata caticushcamanta llaquichingacuna.

HECHOS 5:41

Mandaccuna cacharicpi, apostolcuna llucshishpaca, Jesusta caticushcamanta Dios llaquichichun saquishcamantami yallita cushicushpa rircacuna.

ROMANOS 5:3

Mana chaillachu, ashtahuanpish llaquita apashcamantapishmi cushicunchic. Chai llaquicuna mana piñarina yuyaita cuc cashcatami yachanchic.

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

2 CORINTIOS 1:4

Diosca llaquihuan caccunata cushichichunmi, ñucanchic tucui llaquicunapi cushichin.

2 CORINTIOS 10:18

Maijanpish paillatac “allimi cani” nirishpa jatun tucuctaca, Diosca mana alli ningachu, ashtahuanpish Diosllatac paita alli nicpimi, paica alli nishca canga.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

2 CORINTIOS 13:4

Ari, paica imatapish mana ruhuaipac shinami, cruzpi chacatashca carca. Shina cashpapish poderta charic Diosmantami causacun. Chai shinallatacmi ñucanchicca Cristo shina, imatapish mana ruhuaipac shina canchic. Shina cashpapish paihuan shuc shinalla tucushpami, Diospac poderhuan cancunapac allipac causashun.

2 CORINTIOS 13:9

Chaimanta ñucanchicta “shina shinalla criccunami” nicucpipish, cancuna ashtahuan sinchi criccuna cacpimi cushicunchic. Cancuna Cristota catishpa, ashtahuan sinchiyangacamanmi, Diosta mañashpa caticushunlla.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

2 CORINTIOS 5:15

Cristoca cunan causaccuna ama paicuna quiquinpaclla causachun, ashtahuanpish paipaclla causachunmi tucuimanta huañurca. Chashnaca tucuipac allipacmi huañushpa causarirca.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.

2 CORINTIOS 7:4

Cancunahuanca shungumantami parlani. Ima shina cashcata ricushpami cai tucui llaquicunahuan cashpapish, cushicushpa ashtahuan catina yuyaita japini.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

2 TESALONICENSES 1:4

Cancunaca llaquihuan cashpapish, piñacucpipish sinchitami caticunguichic. Chaimantami tucui tandanacushca criccunapica yallita cushicunchic.

2 TIMOTEO 3:11

llaquita apashpa cushicuc cashcatapish yachanguimi. Antioquía pueblopi, Iconio pueblopi, shinallatac Listra pueblopi ñucata piñashpa llaquichishcata yachanguimi. Chashna llaquichicpipish, Apunchic Jesusllatacmi tucui chaicunamantaca huacaichirca.

SANTIAGO 1:2

Ñuca cuyashca criccuna, cancunata ima llaquicuna japicpica, achcata cushicunguichic.

APOCALIPSIS 2:3

Ñucata caticushcamanta llaquicunata apashpapish, mana piñarishpa, mana shaicushpa caticushcatapish yachanimi.