2 CORINTIOS 11:7 - Dios Rimashcata Quillcashcami

⁷ ¿Cancuna jatun tucuchunchu ñucaca cancunamanta imata mana japishpa, Diosmanta alli huillaitaca yangalla tucushpa huillarcani? ¿Chaita ruhuashpachu juchallircani?

Nuevo Testamento en Quichua Cañar 1996

⁷ Cancunata jatunyachingaraicu cancunamanta imata mana japishpa, yangalla tucushpa, Diosmanta alli huillaita huillashpaca, ima mana allitaca mana ruhuarcanichu.

2 CORINTIOS 11:7 ပူးပေါင်းရင်းမြစ်များ

HECHOS 20:33

Ñucaca pipac cullquitapish, curitapish, churanatapish mana munarcanichu.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquihuanmi trabajarcani. Chaitaca cancunallatac yachanguichicmi.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

1 CORINTIOS 9:12

Shuccuna cancunamanta imallatapish chasquishca cacpica, ¿manachu ñucanchiccarin imallatapish japina canchic? Shina cacpipish, Cristomanta alli huillai ama jarcarichunmi, imatapish mana chasquishpa, llaquita apashpa huillacunchiclla.

1 CORINTIOS 9:6

¿Bernabellachu, ñucallachu tandanacushca criccunamanta imatapish mana chasquina canchic?

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 10:16

Chashnami cancunapac llactamanta ashtahuan carupipish quishpirinamanta alli huillaitaca huillangapac rinatami munanchic. Shina cashpapish shuccuna ña huillashca gentecunapacman chayashpa, “ñucanchicmi huillac canchic” nishpa jatun tucunataca mana munanchicchu.

2 CORINTIOS 12:13

Ñucaca cancunamanta imata mañashpa mana quichushcanichu. ¿Chaimantachu “shuctac tandanacushca criccunamanta yangalla canchic” nishpa yuyacunguichic? ¡Chashna mana mañashpa cancunata piñachishca cacpica, perdonaichic!

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

2 TESALONICENSES 3:8

Pipac micunatapish mana yanga micurcanchicchu. Chaipac randica, imata mañashpa cancunata mana piñachingapacmi tutapish, punzhapish mana samarishpa, trabajashpa causarcanchic.