2 CORINTIOS 11:21 - Dios Rimashcata Quillcashcami

²¹ Ñucanchic chai shinatac ruhuangapacca yallimana irquicunami carcanchic. ¡Chaimantaca pinganayanmi! Shina cacpipish shuctaccuna imamantapish jatun tucucpimi ñucapish yuyai illac shina rimarishpa jatun tucusha nini.

Nuevo Testamento en Quichua Cañar 1996

²¹ Ñucanchictaca “manchashcamantami mana paicuna shina ruhuashca canga” ninguichicchari. ¡Chaimantaca pinganayanmi! Shina cacpipish shuctaccuna imamantapish jatun tucucpica, jatun tucuna mana alli cacpipish, jatun tucusha ninimi.

2 CORINTIOS 11:21 ပူးပေါင်းရင်းမြစ်များ

2 CORINTIOS 10:10

Ñucataca maijancunaca: “Pai quillcashcaca sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 11:1

Ñuca yuyai illac shina rimarishcata ashata uyaichic. Ima shina cashpapish uyaichicyari.

2 CORINTIOS 11:17

Cashna rimashpaca, mana Apunchic Jesús munashca shinachu nini, ashtahuanpish jatun tucuna yuyaihuanmi yuyai illac shina rimarini.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 6:8

Maijan cutinca alli nishca, maijan cutinca mana alli nishca. Maijan cutinca allicuna, maijan cutinca mana allicunachu nishcami canchic. Llullaccunami nicpipish cashcata huillaccunami canchic.