2 CORINTIOS 11:2 - Dios Rimashcata Quillcashcami

² Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

Nuevo Testamento en Quichua Cañar 1996

² Taita Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac ari nichic shinami, cancunataca Cristohuan ari nichircani. Chashna cashcamantami manarac pihuan chayarishca solterata cuc shina, Cristoman cusha nini.

2 CORINTIOS 11:2 ပူးပေါင်းရင်းမြစ်များ

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

EZEQUIEL 44:22

Curacunaca viuda huarmihuanpish, cusa shitashca huarmihuanpish ama cazarachun. Ashtahuanpish israelcunapuramanta carihuan manarac chayarishca solterahuan, mana cashpaca curapac huarmi cana viuda huarmihuan cazarachun.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

1 CORINTIOS 4:15

Cancunaca Cristomanta chunga huaranga yachachiccunata charishpapish, mana tauca taitacunatachu charinguichic. Alli huillaita ñuca huillacpi, cancuna Jesucristohuan shuc shinalla tucushcamantaca, ñucami cancunapac taita shina cani.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachishpa, cancunahuan pacta paipac ñaupaman ñucanchicta pushanga. Chaitaca yachanchicmi.

GÁLATAS 4:11

Ñucaca cancunaman ima yachachishcapish yanga cana cashcatami manchani.

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

1 TESALONICENSES 2:11

Shuc taita huahuacunata yachachic shinami, ñucanchicca cancunataca caishucta chaishucta cunarcanchic, cushichircanchic. Chaitaca cancunallatac yachanguichicmi.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.