2 CORINTIOS 11:11 - Dios Rimashcata Quillcashcami

¹¹ Chashna nishpaca, ¿cancunata mana cuyashcamantachu chashnaca nini? Diosllatacmi ñuca cancunata cuyac cashcataca yachan.

Nuevo Testamento en Quichua Cañar 1996

¹¹ Chashna nishpaca, ¿cancunata mana c'uyashcamantachu chashnaca nini? Taita Diosllatacmi ñuca cancunata c'uyac cashcataca yachan.

2 CORINTIOS 11:11 ပူးပေါင်းရင်းမြစ်များ

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

HECHOS 15:8

Tucuipac shunguta yachac Diosmi mana israelcunamanpish Espirituta curca. Chashnami ñucanchicta chasquishca shina paicunatapish chasquirca.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

2 CORINTIOS 11:10

Cristomanta cashcata nic shimicunataca ñucaca ricsinimi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcanga nini.

2 CORINTIOS 11:31

Huiñaita “allimari cangui” nina, Apunchic Jesuspac Diosllami, ñuca cashcatatac nicuctaca yachan.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli cuyacucpica, ¿ima nishpatac cancunaca ashallata cuyanguichic?

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 7:3

Mana cancunata llaquichingapacchu caicunataca nini. Ña nishca shinami, cancunata cuyashcamantaca causashpapish, huañushpapish cancunahuan pactami casha.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

JOSUÉ 22:22

—Mandac Diosca dioscunapac Diosmi. Ñucanchic chai altarta imapac ruhuashcataca paimi yachan. Ñucanchicca mana paita catinata saquishcamanta, mana paita mana cazushcamantachu cai jatun altarta ruhuashcanchic. Chaica caicunatami israelcunamanca huillanchic. Mana chashna cacpica, ama ñucanchicta quishpichinguichicchu.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.