2 CORINTIOS 10:7 - Dios Rimashcata Quillcashcami

⁷ Cancunaca jahualla ima shina cashcatami ricunguichic. Maijanpish “Cristopacmi cani” nishpa paillata niricushpaca, ñucanchictapish Cristopac cashcatami yuyana can.

Nuevo Testamento en Quichua Cañar 1996

⁷ Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.

2 CORINTIOS 10:7 ပူးပေါင်းရင်းမြစ်များ

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

SAN LUCAS 16:15

Chaimantami Jesusca: «Cancunaca gentecunapac ñaupapica, cashcata ruhuaclayallami canguichic. Ashtahuanpish Diosca cancuna imata yuyacushcataca yachanmi. Cai pachapi gentecunalla alli nishcacunaca, Diospac ñaupapica millanami can.

SAN JUAN 7:24

Ama ñahuita ricushpalla juchanchichicchu. Ashtahuanpish cashcata ruhuashpa juchanchichic— nirca.

1 CORINTIOS 1:12

Cancunapuramanta maijanca: «Ñucaca Pablota caticmi cani», maijanca: «Ñucaca Apolosta caticmi cani», maijanca: «Ñucaca Cefasta caticmi cani», cutin maijanca: «Ñucaca Cristota caticmi cani» nicuctami uyani.

1 CORINTIOS 14:37

Maijanpish “Dios ima nishcata huillacmi cani” nicca, mana cashpaca “Diospac Espirituhuanmi cani” nicca, cai ñuca quillcashcaca Apunchic Jesús mandashca cashcata yachachun.

1 CORINTIOS 15:23

Ima shina causarina cashca shinami, ñaupaca Cristorac causarirca. Quipaca, Cristota criccunami pai cutimui punzhapi causaringa.

1 CORINTIOS 3:23

Shinallatac cancunaca Cristopacmi canguichic. Cristoca Diospacmi.

1 CORINTIOS 9:1

Ñucaca apostolmi cani, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca crircanguichic.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 11:18

Taucacuna “ñucallami alli cani” nishpa, jatun tucucucpica, chashnallatacmi ñucapish jatun tucusha nini.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Caitaca yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

2 CORINTIOS 11:4

Maijanpish ñucanchic huillashca Jesusmanta shuctaclayaman huillangapac chayacpi, cancuna chasquishca Espiritumanta shuctaclaya espiritutapish, cancuna chasquishca alli huillaimanta shuctaclaya huillaitapish cancunaca chasquinguichicllami.

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 13:3

Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish poderta charishcatami ricuchicun.

2 CORINTIOS 5:12

Cancuna sarun yuyacushca shinaca, ñucanchicca allimi canchic nishpaca mana nicunchicchu, ashtahuanpish cancuna ñucanchic ima shina cashcata yachashpa cushicuchunmi, chashnaca ninchic. Chashna cashpami mana shungumanta, ashtahuanpish ñahui ricuillapi allimi canchic niccunamanca huillai pudinguichic.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.

1 JUAN 4:6

Ashtahuanpish ñucanchicca Diospacmi canchic. Diosta ricsiccunaca uyanmi. Mana Diospac caccunaca mana uyashun nincunachu. Shina cacpimi cashcata nic Diospac Espirituta charishcata, mana cashpaca llulla espirituta charishcata yachanguichic.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.