2 CORINTIOS 10:13 - Dios Rimashcata Quillcashcami

¹³ Ñucanchicca allimi canchic nishpaca mana yallita jatun tucushunchu, ashtahuanpish Dios imatapish ruhuachun nishcallatami ruhuacunchic. Paillatacmi cancunapacmanpish chayachun cacharca.

Nuevo Testamento en Quichua Cañar 1996

¹³ Dios imatapish ruhuachun nishcacamanllami ruhuarcanchic. Paillatacmi Corintopi causac cancunapacmanpish chayachun cacharca. Dios ruhuachun nishcamanta ashtahuan yallita ruhuashpaca, mana jatun tucushun ninchicchu.

2 CORINTIOS 10:13 ပူးပေါင်းရင်းမြစ်များ

SALMOS 19:4

Shina cacpipish, pai huillashcaca tucui cai pachapi uyarishpami, cai pacha tucuricaman chayashca. Chaipimi intimanpish huasita churarca.

PROVERBIOS 25:14

Jatun tucushpa imatapish cushami nishpa mana pactachic runaca tamya illac puyu huaira shinami.

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

SAN MATEO 25:15

Serviccuna imata ruhuaipacta ricushpami, shucmanca pichca talento cullquita, shucmanca ishcai talento cullquita, shucmanca shuc talento cullquita cushpa rirca.

ROMANOS 10:18

Ashtahuanpish ñucaca: «Cristomanta huillashcataca, ¿manachu uyarcacuna?» nishpami tapuni. ¡Paicunaca uyarcacunami! Dios quillcachishcapica: «Paicuna huillashcaca tucui cai pachapimi uyarishca. Paicunapac rimashcaca allpa tucuricamanmi uyarishca» ninmi.

ROMANOS 12:3

Dios ñucata cuyashcamantami, cancunataca ama yachac tucuichicchu, chaipac randica Dios crina yuyaita cushca shina, causachunmi ninimi.

ROMANOS 12:6

Dios cuyashcamantami tauca ruhuaicunata ruhuachun ñucanchicman cushca. Pai ima nishcata huillacta ruhuashca cacpica, ima shina crishca shina huillachun.

ROMANOS 15:20

Cristomanta pi mana huillashca llactacunapi huillanatami ashtahuan munarcani. Shuccuna Cristomanta huillashpa, criccunata callarichishca jahuapi callarichinataca mana munarcanichu.

1 CORINTIOS 12:11

Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.

EFESIOS 4:7

Shina cashpapish ñucanchicca Diosmanta ruhuac canata Cristo cusha nishpa cushcamantami chasquishcanchic.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.