2 CORINTIOS 10:12 - Dios Rimashcata Quillcashcami

¹² “Ñucanchicca allimi canchic” niccunapurapish, paicuna shinapish mana cashun ninchicchu. Paicunaca allimi canchic nishpa chai shinallatacmi canchic nishpaca yuyai illaccuna shina cashcatami ricuchincuna.

Nuevo Testamento en Quichua Cañar 1996

¹² “Ñucanchicca allimi canchic” niccuna shinaca, mana cashun ninchicchu. Paicunapurapish mana cashun ninchicchu. Paicunapura ima shina cana cashcata ricushpa, caishuc chaishuc “¿maijantac ashtahuan alli canchic?” nishpaca, yuyai illaccuna shinami ruhuancuna.

2 CORINTIOS 10:12 ပူးပေါင်းရင်းမြစ်များ

JOB 12:2

«Cancunaca alli runacunami canguichic. Cancuna huañucpica, jatun yachaica tucuringami.

PROVERBIOS 25:27

Bunga mishquita yallita micunaca mana allichu. Quiquinllatac sumacmi cani ninapish mana allichu.

PROVERBIOS 26:12

¿Paipac yuyaillapi yuyaisapami cani niric runata ricushcanguichu? Chaipac randica, yuyai illac runamantami imallatapish shuyana can.

PROVERBIOS 27:2

Ama cambac shimihuan allimi cani nichu. Shuccuna canta alli nichun shuyangui.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

2 CORINTIOS 10:11

Maijanpish chashna nicca quillcapi nishca shinallatac ñucanchic carupi cashpapish, cancunapacman rishpapish, chashnallatac rimac cashcatami yachana can.

2 CORINTIOS 10:18

Maijanpish paillatac “allimi cani” nirishpa jatun tucuctaca, Diosca mana alli ningachu, ashtahuanpish Diosllatac paita alli nicpimi, paica alli nishca canga.

2 CORINTIOS 3:1

Caita nishpaca, ¿ñucanchicllatac allimi canchic nishpa cutin nicushcatachu yuyanguichic, imatacyari? ¿Ñucanchicca shuccuna shinachu ima shina cashcata ricuchic quillcata cancunamanca mañana canchic, mana cashpaca ricuchina canchic, imatacyari?

2 CORINTIOS 5:12

Cancuna sarun yuyacushca shinaca, ñucanchicca allimi canchic nishpaca mana nicunchicchu, ashtahuanpish cancuna ñucanchic ima shina cashcata yachashpa cushicuchunmi, chashnaca ninchic. Chashna cashpami mana shungumanta, ashtahuanpish ñahui ricuillapi allimi canchic niccunamanca huillai pudinguichic.