1 TIMOTEO 6:9 - Dios Rimashcata Quillcashcami

⁹ Ashtahuanpish charina yuyaihuan cacpimi, millai munaicunaca muspachishpa, tucllapi urmachic shina gentecunataca llaquiman apashpa chingachin.

Nuevo Testamento en Quichua Cañar 1996

⁹ Imatapish charina yuyaihuan cacpimi, millai munaicunaca muspachishpa, tucllapi urmachic shina gentecunataca llaquiman apan. Chashnami huiñaita chingarincuna.

1 TIMOTEO 6:9 ပူးပေါင်းရင်းမြစ်များ

1 REYES 21:6

Shina nicpimi paica: —Jezreel pueblopi causac Nabothuan parlashpami ñucaca: “Uvas chagra allpata ñucaman cui. Chai allpamantaca cullquita, mana cashpaca canman ashtahuan alli cana cacpica uvas tarpushcata shuctac allpata cushallami” nircani. Shina nicpimi paica: “Uvas chagrahuan cai allpataca mana cushachu” nircami— nirca.

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

PROVERBIOS 20:21

Imapish huacta huacta charishcacunaca quipamanca mana cushichinchu.

PROVERBIOS 21:6

Llullashpa jahualla chayucyashpaca huañuitami mashcacun. Chai yalli valishcacunaca samai shina chingarinllami.

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

PROVERBIOS 23:4

Ama chayucyanallata munanguichu. Chai munaita saquishpa, alli yuyaihuan puringui.

ISAÍAS 5:8

¡Aij, shuctac shuctac huasicunata shayachiccunalla, cancunaca pimanpish mana saquishpami, allpacunata japishpa mirachinguichic! ¡Tucui cai llactapica cancunallami causagringuichic!

ZACARÍAS 11:5

Chai ovejacunata randiccunaca mana llaquishpami huañuchinga. Cutin catuccuna catushpaca: “Chayucyashcanimi, chaimanta Mandac Diosca alli nishca cachun” nicunmi. Michiccunapish mana llaquinchu.

NÚMEROS 31:8

Madianitacunahuan macanacushpaca, chai llactata pichca jatun mandaccuna Evita, Requemta, Zurta, Hurta, Rebatami huañuchirca. Shinallatac Beorpac churi Balaamtapish espadacunahuanmi huañuchirca.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

SAN MATEO 19:22

Chai mosoca yalli chayucmi carca. Chaimantami chashna nicpica, yallita llaquirirca.

SAN MATEO 26:15

«Jesusta cancunaman cucpica, ¿imatatac ninguichic?» nirca. Chashna nicpimi, chai curacunaca quimsa chunga cullquita curca.

SAN MATEO 6:19

Ama cai pachallapi chayuc canata munaichicchu. Chai charishcacunataca polillapish micunllami, ismunllami. Huasita jutcushpa shuhuanllami.

MARCOS 4:19

Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

SAN LUCAS 12:21

Quiquinpaclla charinata munaccunaca, Diospac ñaupapica imata mana charinchu. Chaica chashnatacmi» nirca.

SAN LUCAS 21:35

Cai pachapi causaccunataca, shuc tucllahuan japic shinami chai punzhaca chayamunga.

HECHOS 8:20

Chaimantami Pedroca: —¡Can Diospac poderta cullquihuan randisha nishcamantaca, cambac cullquindimi chingarigringui!

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

1 TIMOTEO 1:9

Mandashcaca cashcata ruhuaccunata llaquichichunca mana canchu, ashtahuanpish millaita ruhuaccunata, mana cazuccunata, sinchi shungucunata, juchalliccunata, mana alli niccunata, burlaccunata, taita mamatapish shuccunatapish huañuchiccunata,

1 TIMOTEO 3:7

Ima llaquipi, supaipac ima pandachinapi ama urmangapacca, tucui gentecunapac alli nishcami cana can.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

2 TIMOTEO 2:26

Chashna crishpami diablo huatashpa, tucllapi shina pai munashcata ruhuachishpa causacushcamantaca, yuyarishpa llucshinga.

TITO 2:12

Chai cuyaimi mana allita ruhuanatapish, mana alli munaicunatapish saquishpa, cai pachapi alli yuyaihuan, cashcata ruhuashpa, Diosta cazushpa,

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.