1 TIMOTEO 6:6 - Dios Rimashcata Quillcashcami

⁶ Maijanpish ima charishcallahuan cushi causashpaca, pai crishcamantaca yallita charishca shinami can.

Nuevo Testamento en Quichua Cañar 1996

⁶ Chayucyanamanta nishpaca, maijanpish ima charishcallahuan cushi causashpaca, pai crishcamantaca yallita charishca shinami can.

1 TIMOTEO 6:6 ပူးပေါင်းရင်းမြစ်များ

2 REYES 6:2

Chaimanta cunanca Jordán yacu ladoman rishpa, cada shuc jatun caspicunata pitishpa, chaipi causangapac huasita ruhuachun saqui— nirca. Shina nicpimi Eliseoca: —Richiclla— nirca.

SALMOS 37:16

Juchata ruhuaccuna achcata charicpipish cashcata ruhuaccuna ashallata charinami ashtahuan alli.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ÉXODO 2:21

Moisés Reuelpac huasipi causangapac saquisha nicpimi, paica paipac ushi Seforahuar cazarachirca.

PROVERBIOS 15:16

Achca charishcahuan pandarinapac randica ashallata charishpapish, Mandac Diosta manchashpa causanami ashtahuan alli.

PROVERBIOS 16:8

Mana allita ruhuashpa achcata charinapac randica, cashcata ruhuashpa ashallata charinami ashtahuan alli.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

JEREMÍAS 35:9

Shinallatac ñucanchic causana huasicunatapish mana shayachinchicchu. Ñucanchic allpapica uvas chagracunatapish, ima tarpushcatapish mana charinchicchu.

SAN LUCAS 12:15

Chaimantami Jesusca: —Charishcacunaca mana causaita cunchu. Chaimanta ama misa tucushpa, ashtahuan chayucyana yuyailla canguichicchu— nirca.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

FILIPENSES 1:21

Chaimanta ñuca causacushpaca, Cristopacmi causani. Huañushpaca, japina cashcatami japisha.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

1 TIMOTEO 6:8

Shina cashcamanta ñucanchic churaringapac, micungapac charishpaca, cushilla cashunchic.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.