1 TIMOTEO 6:11 - Dios Rimashcata Quillcashcami

¹¹ Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

Nuevo Testamento en Quichua Cañar 1996

¹¹ Ashtahuanpish cantaca Diospacta ruhuac cashcamantaca, tucui chai mana allicunamanta anchurichun ninimi. Cantaca cashcata ruhuashpa, Taita Diosllata yuyarishpa, crishca yuyailla c'uyaihuan mana p'iñariclla, shinallatac c'uyac shunguhuan causanata munachunmi nini.

1 TIMOTEO 6:11 ပူးပေါင်းရင်းမြစ်များ

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

1 REYES 13:26

Ñanmanta cutichimuc Dios ima nishcata huillac runa caita uyashpaca: «Diospaclla runami canga, paica Dios mandashcatami mana cazushca. Chaimantami Mandac Diosca shuc leonman cushca canga. Chai leonmi Mandac Dios nishca shinallatac pitinacushpa huañuchishca canga» nirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 17:24

Chaimantami chai huarmica Eliastaca: —¡Diospac runa cactaca cunanmi yachani! ¡Mandac Diospac shimitapish mana llullashpa huillashcataca cunanmi yachani!— nirca.

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

2 REYES 1:13

Cutinllatacmi pichca chunga soldadocunata paicunata mandac-huan cacharca. Caihuanca quimsa cutinmi cacharca. Quimsaniqui ric soldadocuna mandac Elías tiyacushcaman chayashpa cungurishpaca: —¡Diospac runalla! ¡Ñuca causaipish, canta servic pichca chunga soldadocunapish cambac ñaupapi alli ricurishca cachun!

2 REYES 1:9

Chai quipami Ocoziasca pichca chunga soldadocunata paicunata mandac-huan Eliaspacman cacharca. Paicuna chayacpica, Eliasca urcu jahuapimi tiyacushca carca. Chaipimi soldadocunata mandacca: —Diospac runalla, jatun mandacca: “Canta urai shamuchun” ninmi— nirca.

2 REYES 23:17

Chai quipami Josiasca: —¿Chai rumica imatatac ricuchicun?— nirca. Shina nicpimi, chai pueblopi causaccunaca: —Chaica Judá llactamanta shamushca Diospac runata enterrashca jutcumi. Paimi Bet-el pueblopi tiyac altarta can chashna ruhuanataca huillarca— nircacuna.

2 REYES 5:20

Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

1 CRÓNICAS 23:14

Diosta servic Moisespac huahua huahuacunataca Levipac aillucunahuan tandachishpami yuparca.

2 CRÓNICAS 8:14

Chashnallatac curacunataca paipac taita David mandashca shinallatacmi imata ruhuana cashcapi churarca. Levitacunatapish paicuna imata ruhuana cashcata ruhuashpa Diosta alabachun, shinallatac curacunata ayudachunmi churarca. Shinallatac Diospac huasi pungupi cuidaccunatapish tucui pungucunapimi chullayanacushpa cuidachun churarca. Mandac Diosta servic Davidmi chashna mandarca.

NEHEMÍAS 12:24

Levitacunata mandaccunaca: Hasabías, Serebías, Cadmielpac churi Jesuami carca. Paicunapac huauquicunaca Diosta servic David mandashpa quillcachishca shinallatacmi Diosta pagui nishpa cantaccunapac ñaupapi yaicuna horas chayacpi shayariccuna carca.

NEHEMÍAS 12:36

Paicunapac huauquicuna Semaías, Azarael, Milalai, Gilalai, Maai, Natanael, Judá, shinallatac Hananica Diosta servic Davidpac tocanacunapimi tocashpa ricurca. Paicunapac ñaupataca quillcac Esdrasmi rirca.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

SALMOS 38:20

Allita ruhuacpi, mana allitami ruhuancuna. Ñuca allita ruhuacpica, piñashpami camincuna.

PROVERBIOS 15:9

Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

ISAÍAS 51:1

Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

ROMANOS 14:19

Chaimanta shuctac criccunahuan cushilla causashpa, Jesusta criccunata sinchiyachishunchic.

1 CORINTIOS 10:14

Chaimanta cuyashca criccuna, ruhuashcalla dioscunata ama adoraichicchu.

1 CORINTIOS 14:1

Tucuimanta yallica, cuyaita charinata munaichic. Shinallatac Diospac Espíritu imata ruhuachichun munaichic. Yallicarin Dios ima nishcata huillac canata munaichic.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

DEUTERONOMIO 16:20

Mandac Dios cushca llactata japishpaca, cashcata ruhuanguichic.

DEUTERONOMIO 33:1

Dios acllashca Moisés manarac huañushpa israelcunata

1 TIMOTEO 1:14

Ñucanchic Apunchic Jesucristohuan shuclla tucucpica, cuyaitapish, crina yuyaitapish, ñucata yallita cuyashcamantami Apunchic Jesucristoca curca.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca piñaric cashcatapish, cric cashcatapish, cuyac cashcatapish,

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

1 PEDRO 3:11

Millaimanta anchurishpa, allita ruhuanami can. Shuccunahuan sumacta causanata munashpa, chashnalla catinami alli can.

1 SAMUEL 2:27

Chai punzhacunapimi Diospac shuc runa Elipacman shamushpaca: «Mandac Diosca: “Cambac ñaupa taitacuna Egipto llactapi Faraonta servishpa causacucpimi, mana pacashpa tucui huillachircani.

1 SAMUEL 9:6

Shina nicpimi, chai runaca: —Riqui, cai pueblopica Diospaclla cac runami tiyan. Paitaca tucuimi alli nincuna. Pai ima nishcaca chashnatacmi pactanlla. Chashna cashcamanta paiman tapungapac jacu. Ñucanchic maita rishpa mashcanatapish huillangapishchari— nirca.