1 TIMOTEO 6:1 - Dios Rimashcata Quillcashcami

¹ Amo randishcamanta huatashca shina serviccunataca, Diostapish, ñucanchic yachachishcacunatapish mana allichu nishpa pi ama rimachunca paicunapac amocunata alli cazuchun yachachingui.

Nuevo Testamento en Quichua Cañar 1996

¹ Amo randishcamanta huatashca shina serviccunata, paicuna Diosta cric cashcamanta paicunapac amocunata alli cazuchun yachachingui. Chashna cazucpimi, Taita Diostapish shinallatac ñucanchic yachachishcatapish mana allichu nishpa pi mana rimangacuna.

1 TIMOTEO 6:1 ပူးပေါင်းရင်းမြစ်များ

GÉNESIS 16:9

Shina nicpimi, Mandac Diospac angelca: —Cambac ama Saraipac ñaupallamantac cutishpa, pai mandashcata cazugri.

GÉNESIS 24:12

Chaipi servic runa Diosta mañashpaca: «Ñuca amo Abrahamta Mandac Dioslla, alli tupangapac ayudai, ñuca amo mañashcatapish llaquishpa uyaiyari.

GÉNESIS 24:2

Abrahamca paipac serviccunapuramanta paipac huasipi mandac yuyac runata cayashpaca: —Cambac maquita ñuca changa jahuapi churai.

GÉNESIS 24:27

«¡Ñuca amo Abrahampac Mandac Dioslla, cantaca alli nichun! ¡Canca llaquic cashpa, shinallatac imatapish cashcata nic cashpami, ñuca amopac familiapacmantac ñucataca pushamushcangui!» nirca.

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

2 REYES 5:13

Shina ricpipish, paita serviccuna cuchuyashpaca: —Ñuca taitalla, Dios ima nishcata huillac ima mana ruhuaipacta ruhuachun mandacpica, ¿manachu chaita ruhuanguiman carca? Ashtahuanpish paica: “Cambac ungüi anchurichun armari” nishcallataca, ¿ima nishpatac mana ruhuangui?— nirca.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 52:5

Mandac Diosca: «Caipica, ¿imatatac ricucuni? Ñuca acllashcacunataca yangami prezu apashca. Prezu apaccunaca yallita llaquichishpami charin. Ñuca shutitapish punzhantami mana alli nishpa rimancuna.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

EZEQUIEL 36:20

Ashtahuanpish paicuna shuctac llactacunaman chayacpi, chai llacta gentecunaca: “¡Paicunaca Mandac Diospac acllashca gentecuna cashpapish, paipac llactamantami llucshimushca!” nishpa, burlashpami ñucapac jucha illac shutita yangapi churarca.

EZEQUIEL 36:23

Shuctac llactapi yangapi churashca ñuca shutitami jatunyachisha. Cancunapac chaupipi ñuca jucha illac shutita jatunyachicpimi, ñucataca Mandac Dios cashcata yachangacuna. Chaitaca Mandac Dios ñucami nini.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

SAN MATEO 11:30

Ñuca yugoca pangallami. Ñuca cushca aparinapish aparinallami» nirca.

SAN MATEO 11:9

Shinashpaca, ¿imatatac ricugrircanguichic? ¿Dios ima nishcata huillactachu ricugrircanguichic? Ari, chaitami ricugrircanguichic. Juanca Dios ima nishcata huillactapish yallimi.

SAN LUCAS 17:1

Jesusca paipac yachacuccunataca: «Juchapi urmaccunaca tiyangallatacmi. Shina cacpipish maijanpish juchapi urmachicca, ¡imachari tucunga!

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

HECHOS 15:10

Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

ROMANOS 2:24

Dios quillcachishcapica: «Cancunamantami mana israelcunaca Diosta mana alli nishpa rimancuna» ninmi.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

GÁLATAS 5:1

Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

TITO 2:5

alli yuyaihuan purishpa quiquinllatac huacaichiriccuna, alli nishca caccuna, cusata cazuccuna, shinallatac huasipi ima tiyashcata alli ricuccuna cachun yachachingacuna. Shina cacpimi, Diosmanta huillashcataca pipish mana allichu nishpa mana rimangacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.