1 TIMOTEO 5:14 - Dios Rimashcata Quillcashcami

¹⁴ Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

Nuevo Testamento en Quichua Cañar 1996

¹⁴ Chashna cashcamantami huambrarac viuda huarmicunataca cazarashpa, huahuacunata charishpa, quiquin huasipi sumacta causachun nini. Chashna causacpimi, criccunata p'iñaccunaca mana juchanchingacuna.

1 TIMOTEO 5:14 ပူးပေါင်းရင်းမြစ်များ

GÉNESIS 18:6

Shina nicpimi, Abrahamca carpa huasi ucuman callpashpa Sarataca: —Chuscu chunga libra alli harinamanta tandata ruhuashpa, utca cusai— nirca.

GÉNESIS 18:9

Chai quipaca runacunaca: —¿Maipitac cambac huarmi Saraca?— nirca. Chashna tapucpimi Abrahamca: —Carpa huasi ucupimi— nirca.

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

PROVERBIOS 14:1

Yachaisapa huarmica paipac huasita alli nishpami sinchiyachin. Ashtahuanpish yuyai illac huarmica paipac quiquin maquicunahuanmi urmachin.

JEREMÍAS 29:6

Cazarashpa churicunatapish, ushicunatapish charichic. Churicunapish, ushicunapish huahuacunata charichun cazarachichic. Ashtahuan mirarichic. Ama tucurichicchu.

DANIEL 6:4

Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

ROMANOS 14:13

Chaimanta ñucanchicca mana shuctac cricta juchanchinachu canchic. Chaipac randica, ama pandarichunmi, ima millaita mana ruhuanata yuyana canguichic.

2 CORINTIOS 11:12

Chai llullashpa puriccuna huillashpa ama cushicuchunmi, ima shina ruhuacuc shinallatac imata mana chasquishpa ruhuashpa catisha.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Diosca cashcata yachac criccunamanca paita pagui nishpa micuchunmi, chaicunataca ruhuarca.

1 TIMOTEO 5:11

Huambrarac viudacunataca, viudacunapac quillcanapica ama quillcanguichu. Paicunaca mana alli yuyaicuna shamucpi Cristopacta ruhuanata saquishpami cutin cazarasha ningacuna.

1 TIMOTEO 6:1

Amo randishcamanta huatashca shina serviccunataca, Diostapish, ñucanchic yachachishcacunatapish mana allichu nishpa pi ama rimachunca paicunapac amocunata alli cazuchun yachachingui.

TITO 2:5

alli yuyaihuan purishpa quiquinllatac huacaichiriccuna, alli nishca caccuna, cusata cazuccuna, shinallatac huasipi ima tiyashcata alli ricuccuna cachun yachachingacuna. Shina cacpimi, Diosmanta huillashcataca pipish mana allichu nishpa mana rimangacuna.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.