1 TIMOTEO 4:14 - Dios Rimashcata Quillcashcami

¹⁴ Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

Nuevo Testamento en Quichua Cañar 1996

¹⁴ Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

1 TIMOTEO 4:14 ပူးပေါင်းရင်းမြစ်များ

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

HECHOS 22:5

Chaitaca, curacunata jatun mandac curapish, pushac yuyaccunapish yachanmi. Paicunallatacmi Damasco pueblo criccunata japishpa, cai Jerusalenpi llaquichingapac apamuchun, quillcata curcacuna. Chaimantami criccunata japimungapac chai puebloman rircani.

HECHOS 6:6

Chashna acllashpami apostolcunapacman pushamurca. Paicunaca chai runacunapac uma jahuapi maquita churashpami, Diosta mañarcacuna.

HECHOS 8:17

Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

1 TESALONICENSES 5:19

Diospac Espiritutaca ama chiriyachichicchu.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

1 TIMOTEO 4:15

Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.

1 TIMOTEO 5:17

Tandanacushca criccunata allita pushaccunaca, ashtahuancarin alli huillaita huillaccuna, yachachiccunami tucuimanta yallita japina can.

1 TIMOTEO 5:19

Tandanacushca criccunata pushactaca ama imata juchanchinguichu, ashtahuanpish ishcai, quimsa huillaccuna tiyacpica juchanchingui.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli catingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Diosca acllashca.

2 TIMOTEO 1:6

Shina cashcamanta cambac uma jahuapi ñuca maquita churacpi, Dios ima ruhuana cashcata cushcataca, nina huañugricucta causachic shina cutin causachichunmi nini.