1 TIMOTEO 4:13 - Dios Rimashcata Quillcashcami

¹³ Ñuca chayamucpica, Dios rimashca shimita criccunaman rezashpa, yachachishpa cunangui.

Nuevo Testamento en Quichua Cañar 1996

¹³ Ñuca shamungacamanca, Dios rimashca shimita criccunaman rizashpa, yachachishpa cunangui.

1 TIMOTEO 4:13 ပူးပေါင်းရင်းမြစ်များ

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

HECHOS 6:4

Paicuna chaita ruhuacucpica, ñucanchicca Diosta mañanatapish, paimanta huillanatapish mana saquishunchu— nirca.

ROMANOS 12:8

Shuccunata cunacta ruhuashca cacpica, cunashpa catichun. Shuccunaman ima illashcata cucta ruhuashca cacpica, tucui shunguhuan cushpa catichun. Mandacta ruhuashca cacpica, mandashpa catichun. Ayudacta ruhuashca cacpica, ayudashpa catichun.

1 CORINTIOS 14:26

Chai shina cacpica, cuyashca criccuna, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca mana yachashca rimaicunata rimanguichicmi, shuccunaca chai rimashcata entendichinguichicmi. Tucui caicunataca criccuna ashtahuan Jesusta catishpa sinchiyachunmi, ruhuana canguichic.

1 CORINTIOS 14:3

Dios ima nishcata huillacca criccunata sinchiyachingapac, cunangapac, cushichingapacmi riman.

1 CORINTIOS 14:6

Cuyashca criccuna, ñuca cancunapacman rishpa, Dios ima nishcata huillanapac randi, allita yachachinapac randi, cashcata yachachinapac randi, yachachishcacunata yachachinapac randica, mana yachashca rimaicunata ñuca rimacucpica, cancunamanca ¿ima allitac cangayari?

DEUTERONOMIO 17:19

Cai quillcashcataca punzhantami maquipi apashpa, rezana can. Chashna ruhuacpimi, cai libropi quillcachishcacunatapish, yachachishcacunatapish cazushpa, Mandac Diosta manchanata yachacunga.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

1 TIMOTEO 4:6

Cai rimashcacunata criccunaman yachachishpa, crinata yachachic shimicunatapish, can caticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.