1 TIMOTEO 3:2 - Dios Rimashcata Quillcashcami

² Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

Nuevo Testamento en Quichua Cañar 1996

² Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.

1 TIMOTEO 3:2 ပူးပေါင်းရင်းမြစ်များ

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN LUCAS 2:36

Shinallatac Dios ima nishcata huillac, yuyac Ana huarmipish chaipimi carca. Paica ñaupa taita Aserpac aillupuramanta Fanuelpac ushimi carca. Paica huambrarac cazarashpapish canchis huatallatami cusahuan causarca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

1 TIMOTEO 3:12

Criccunata ayudaccunaca shuc huarmiyuclla, huahuacunatapish, huasi ucupuratapish allita yachachicmi cana can.

1 TIMOTEO 3:8

Shinallatac criccunata ayudaccunaca, mana machac, mana llullac, cullquita japingaraicu ima mana allitac mana ruhuac, tucui gentecunapacpish alli nishcami cana can.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Diosca cashcata yachac criccunamanca paita pagui nishpa micuchunmi, chaicunataca ruhuarca.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

1 TIMOTEO 5:9

Viudacunapac quillcanapica, shuc cusallahuan causashca sucta chunga yalli huatata charic viudacunapac shuticunallata quillcangui.

2 TIMOTEO 2:24

Maijanpish Apunchic Jesusta servicca mana pihuanpish piñanacushpachu purina, ashtahuanpish tucuihuan apanacuc, mana piñaric, alli yachachicmi canami can.

TITO 2:2

Ñaupa huiñai taitacunataca alli nishca, mana pucllaric, alli yuyaiyuc, alli cric, cuyac, mana piñaric,

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 PEDRO 4:9

Shinallatac mana huashalla rimashpa, caishuc chaishuc huasipi chasquinacuichic.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.