1 TIMOTEO 3:15 - Dios Rimashcata Quillcashcami

¹⁵ Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

Nuevo Testamento en Quichua Cañar 1996

¹⁵ Ñuca unaiyacpipish, canca Taita Diospaclla tandanacushca criccuna ima shina causana cashcata yachachunmi caitaca quillcani. Huiñaita causacuc Taita Diosta criccunaca alli huillai chashnatac cashcata crishpami, pilar charicuc shina sinchita c'aticunchic.

1 TIMOTEO 3:15 ပူးပေါင်းရင်းမြစ်များ

1 REYES 2:2

«Ñucaca cai pachamanta tucui mashna rina ñanllatatacmi catishpa rigrini. Shina cacpipish, canca sinchi tucushpa, cari cari shayaringui.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

1 CRÓNICAS 22:13

Mandac Dios israelcunaman cuchun Moisesman cushca mandashcacunata, yachachishca shimicunata can pactachicpica, imata ruhuacpipish allimi llucshingui. Cari, cari sinchi cangui. ¡Ama manchaichu, ama llaquirichu!

SALMOS 42:2

Ñuca almaca yacunayaihuan huañucuc shinami, causac Diosta mashcan. ¿Ima horastac Diospac ñaupapi ricuringapac rishayari?

SALMOS 84:2

Ñuca almaca Mandac Diospac huasi pungupi canatami yallita munan. Ñuca shungupish, ñuca cuerpopish cushicushpami causac Diosta cantan.

JEREMÍAS 1:18

Cunan punzhallatacmi cantaca muyundi pircashca llacta, fierro pilar shina, bronce pirca shina cachun churani. Judá llactapi causaccunapacpish, jatun mandaccunapacpish, caishuc mandaccunapacpish, curacunapacpish, cai llactapi causaccunapacpish, sinchi pirca shina cachunmi churani.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

JEREMÍAS 23:36

Cancunaca jaicapi: “Mandac Diosmi huillachun nirca” nishpaca, ama ninguichicchu. Chaica maijanpish chai rimashcata huillacpica, chai huillashcaca llashac carga shinami tucunga. Causac Diospac, tucuita Mandac ñucanchic Diospac rimashcata mana allita ruhuashcamantami chashnaca tucunga.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 18:18

Cai pachapi cancuna allimi nishcaca, jahua pachapipish alli nishcallatami canga. Cai pachapi mana allichu nishcaca, jahua pachapipish mana alli nishcallatami canga. Chaica chashnatacmi canga.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 6:69

Ñucanchicca cantaca crishcanchicmi. Dios cachashca Jucha Illac cashcatapish yachanchicmi— nirca.

HECHOS 1:2

Chaica, Diospac Espíritu apostolcunata poderhuan mandashca quipa, Apunchic Jesusta jahua pachaman pushashca punzhacaman ima tucushcatami quillcani.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

ROMANOS 9:26

Shinallatac maipimi “cancunaca mana ñuca huahuacunachu canguichic” nircani, chaillapitacmi “cancunaca causac Diospac huahuacunami canguichic” nisha» nishcami.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

2 CORINTIOS 6:7

Chashnatac cashcata huillashpa, Diospac poderhuan imatapish ruhuashpa, macanacungapacpish, misaringapacpish cashcata ruhuashpami causanchic.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Cancunaman ñuca huillashpaca, Jesucristo ña chacatashca cashcatami allitac huillarcani.

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

1 TIMOTEO 3:14

Canta ñalla ricugrina yuyailla cashpapish, caitami quillcashpa cachani.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 TIMOTEO 3:5

Maijanpish quiquin huasipi mana alli pushashpaca, ¿ima shinatac Diospaclla tandanacushca criccunataca pushangayari?

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

2 TIMOTEO 2:20

Shuc jatun huasi ucupica mana curimanta, cullquimanta ruhuashcacunallachu tiyan, ashtahuanpish caspimanta, turumanta ruhuashca imacunapish tiyanmi. Chaicunamanta maijancunaca allipi servingapac, cutin maijancunaca yangallapi servingapacmi can.

HEBREOS 10:21

Apunchic Jesucristoca jahua pacha Diospac huasipimi jatun mandac cura can.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

JOSUÉ 3:10

Cancunaca caita ricushpami, causac Dios cancunapac chaupipi cashcataca yachanguichic. Paimi cunanca cananeocunatapish, heteocunatapish, heveocunatapish, ferezeocunatapish, gergeseocunatapish, amorreocunatapish, jebuseocunatapish cancunapac ñaupamanta llucchishpa cachanga.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac sellotami charicurca. Chai angelmi mama cucha yacutapish, cai pachatapish huacllichingapac poderta charic chuscu angelcunata sinchita caparirca. Paica:

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.