1 TIMOTEO 1:7 - Dios Rimashcata Quillcashcami

⁷ Paicunaca imata yachachicushcatapish, imata nicushcatapish mana entendincunachu. Shina cashca jahuami, Dios mandashcacunata yachachiccuna canata munancuna.

Nuevo Testamento en Quichua Cañar 1996

⁷ Paicunaca imata nicushcatapish, “caica cashnami” nishpa yachachicushcatapish mana entendinchu. Shina cashca jahuami, paicunaca Taita Dios mandashcacunata yachachic canata munancuna.

1 TIMOTEO 1:7 ပူးပေါင်းရင်းမြစ်များ

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

SAN MATEO 21:27

Chaimantami Jesustaca: —Mana yachanchicchu— nircacuna. Shina nicpimi Jesusca: —Shinashpaca, ñucapish pi ima poderhuan ruhuacushcataca mana huillashachu— nirca.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

HECHOS 15:1

Chai punzhacunapi Judea llactamanta Antioquía puebloman maijancuna shamushpa, criccunata yachachishpaca: «Moisés mandashca shina circuncisionta mana ruhuashpaca, mana quishpiringuichicchu» nishpami yachachirca.

ROMANOS 1:22

Yallita yachac tucusha nishpapish, yuyai illaccunami tucushca.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

GÁLATAS 4:21

Mandashcacunata cazushpa causanaca allimi niccunamanmi caita tapuni: ¿Manachu cancunaca Moisés mandashcacuna imata nicushcataca yachanguichic?

1 TIMOTEO 6:4

imatapish mana yachac, jatun tucushca, caica cashnami nicun nishpa, shuccunahuan piñanacunallatami munan. Chashna cashpami shuccuna shina casha nin, macanacun, rimanacun, shuccuna mana alli cashcata yuyan.

2 TIMOTEO 3:7

Paicunaca punzhanta yachacushpapish, cashcata nic yachachishcataca mana yachac chayancunachu.

SANTIAGO 3:1

Ñuca cuyashca criccuna, ama taucacuna Diosmanta yachachiccuna tucushunchic. Diosca ñucanchictami tucuimanta yallica ashtahuan taripanga.

2 PEDRO 2:12

Chai pandata yachachiccunaca imatapish mana entendishpami mana allichu nishpa rimancuna. Chashna cashpami ima shinapish causashpa, japishpa huañuchina animalcuna shina causashpa huañungacuna.