1 TIMOTEO 1:4 - Dios Rimashcata Quillcashcami

⁴ shinallatac yanga parlocunata, mana yupaipac ñaupa taitacunapac shuticunata ama uyashpa catichunmi cantaca jarcachun mañarcani. Tucui chaicunaca piñanacuipi churashpami, Dios quishpichisha nicushca crinataca jarcan.

Nuevo Testamento en Quichua Cañar 1996

⁴ yachacushpallapish ama c'atichun nishpa jarcangui. Chai yachanacunaca yanga parlocuna, shinallatac mana yupaipac ñaupa taitacunapac shuticunallami. Tucui chaicunaca p'iñanacuillapi churashpami, maijanpish Jesusta cricpi, Taita Dios quishpichisha nicushca crinataca jarcan.

1 TIMOTEO 1:4 ပူးပေါင်းရင်းမြစ်များ

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

EFESIOS 3:2

Diosca paipac cuyaimanta cancunapac allipac alli huillaita huillachun ñucaman mingashcataca, ñami yachanami canguichic.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

1 TIMOTEO 4:7

Imapish yanga, parlocunataca ama uyanguichu. Chaipac randica cuerpota pucllangapac allichiric shina, Diospac ñaupapi alli causana yuyailla cangui.

1 TIMOTEO 6:11

Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

2 TIMOTEO 2:23

Imapish mana alli parlocunataca ama uyanguichu. Chaicuna piñanacuipi churac cashcataca canllatac yachanguimi.

2 TIMOTEO 4:4

Cashcata nic huillashcata mana uyashun nishpami, imapish yanga parlocunallata uyangacuna.

TITO 1:1

Diospacta ruhuac, shinallatac Apunchic Jesucristo acllashca huillac Pablomi cani. Dios acllashcacuna, Paita crishpa, cashcata nic huillashcata yachachun,

TITO 1:14

Shinallatac israelcunapac yuyaimanta llullashca yanga parlocunatapish, chashnallatac cashcata nic huillashcata mana cazushun niccuna mandashcacunatapish ama uyachunmi, chashna sinchita rimana cangui.

TITO 3:9

Shina cacpipish imapish yanga parlocunamanta, ñaupa taitacunapac shuticunamanta, Moisés mandashcacunataca pactachinami canchic nishpa rimanacushpa piñanacunamanta, huacaichiringui. Chaicunaca yanga ima yuyai japinapish mana tiyanchu.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

2 PEDRO 1:16

Poderta charic Apunchic Jesús cutimunamanta ñucanchic yachachishcaca, mana ñucanchic yuyaillamanta yanga rimaicunallachu, ashtahuanpish ñucanchic quiquin ñahuihuantacmi, Apunchic Jesús tucuimanta yalli sumaimana cashcataca ricurcanchic.