1 TIMOTEO 1:2 - Dios Rimashcata Quillcashcami

² Jesusta crishcamanta ñucapac quiquin huahua shina cac Timoteoman quillcashpa cachani. Ñucanchic Diospish, Apunchic Jesucristopish sumaimana cuyaihuan llaquishpa, canman sumac causaita cushca cachun ninimi.

Nuevo Testamento en Quichua Cañar 1996

² Jesusta crishcamanta ñucapac quiquin huahua shina cac Timoteoman caita quillcashpa cachani. Ñucanchic Taita Diospish, Apunchic Jesucristopish sumaimana c'uyaihuan llaquishpa, canman sumac causaita cushca cachun nishpami quillcani.

1 TIMOTEO 1:2 ပူးပေါင်းရင်းမြစ်များ

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

GÁLATAS 1:3

Ñucanchic Diospish, Apunchic Jesucristopish mai cuyashpa, cancunamanca sumac causaita cushca cachun ninchic.

1 TESALONICENSES 3:2

ñucanchic huauqui Timoteota cancunapacman cacharcanchic. Paica Diosta servic, ñucanchic-huan Jesucristomanta alli huillaita huillacmi. Paimi cancunata cunashpa crina yuyaita cunga.

1 TIMOTEO 1:12

Ñucata sinchiyachishcamanta, ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

2 TIMOTEO 1:2

Ñuca cuyashca huahua shina Timoteo, ñucanchic Diospish, Apunchic Jesucristopish canta cuyashpa, llaquishpa sumac causaita canman cushca cachun nishpami quillcani.

2 TIMOTEO 2:1

Ñuca huahua shina Timoteo, canca Jesucristohuan shuclla cashcamanta, Dios cuyashpa allicunata cushcahuan sinchi tucuiyari.

TITO 1:4

Ñuca shina cric cashcamanta ñucapac huahua shina Tito, ñucanchic Diospish, Apunchic Jesucristopish mai cuyashpa, canman sumac causaita cushca cachun nishpami caita quillcani.

TITO 2:2

Ñaupa huiñai taitacunataca alli nishca, mana pucllaric, alli yuyaiyuc, alli cric, cuyac, mana piñaric,

TITO 3:15

Tucui ñucahuan caccunami cantaca “allilla cashca cachun” nishpa cachancuna. Shinallatac ñucanchicta cuyac caishuc criccunatapish “allilla cashca cachun” nishpa cungui ninimi. Diosca paipac sumaimana cuyaita tucui cancunaman cushca cachun. Chashna cachun.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

2 JUAN 1:3

Diospish, paipac Churi Jesucristopish cancunataca mai cuyashpa, llaquishpa, sumac causaita cuchunmi munani. Cashcata nic huillashcata crishpa cuyanacushpa causachunmi, chashnaca nini.

3 JUAN 1:4

Ñuca huahuacuna cashcata nic huillashcata uyashpa, alli caticucta yachashpami, tucuimanta yalli cushicuni.

SAN JUDAS 1:2

Dios cancunata mai llaquishcamanta, paimanta sumac causaitapish, cuyaitapish ashtahuan chasquichunmi munani.