1 TIMOTEO 1:10 - Dios Rimashcata Quillcashcami

¹⁰ huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

Nuevo Testamento en Quichua Cañar 1996

¹⁰ manapish quiquin huarmihuan, manapish quiquin cusahuan chayariccunata, c'aripurallatac huarmipurallatac chayarishpa causaccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi, Taita Diosca mandashcacunataca curca.

1 TIMOTEO 1:10 ပူးပေါင်းရင်းမြစ်များ

GÉNESIS 19:5

Chaipimi Lotta cayashpaca: —¿Maipitac cunan tuta cambacman shamuc runacunaca? ¡Paicunahuan sueñungapac canzhaman llucchi!— nirca.

GÉNESIS 37:27

Paica ñucanchic huauqui, quiquin yahuarllatacmi. Chaimanta ima millaita mana ruhuashpa, ismaelitacunaman catushpa cachashunchic— nirca. Shina nicpica, caishuc huauquicunaca allimi nishpami,

GÉNESIS 40:15

Ñucataca hebreocunapac llactamantami shuhuashpa pushamurca. Ñuca carcelpi cangapacca, ima millaita mana ruhuashcanichu— nirca.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ÉXODO 21:16

Maijanpish shuc runata shuhuashpa, catushca cashpa, mana cashpaca paipac maquipi charicushpaca, chai runaca huañunami can.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

LEVÍTICO 18:22

Huarmihuan chayaric shina, ama caripura chayaringuichicchu. Shina ruhuashpaca, yalli millaitami ruhuangui.

LEVÍTICO 20:13

Maijanpish caripura chayaricpica, ishcaitatacmi huañuchishca canga. Paicunaca mana allita ruhuashcamantami huañuchishca canga.

ZACARÍAS 5:4

Tucuita Mandac Diosca: «Chai llaquicunataca ñucami cacharcani. Chai llaquimi shuhuaccunapac huasimanpish, ñuca shutipi llullashpa ari niccunapac huasimanpish chayanga. Chashnami paicunapac huasicunapi tiyac caspicunatapish, rumicunatapish tucuchinga» ninmi.

ZACARÍAS 8:17

Ama cancunapac shungupi shuccunata mana allita yuyaichicchu. Ama llullashpa ari nichicchu. Ñucaca tucui chaicunatami piñani» ninmi.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ROMANOS 1:26

Chaimantami Diosca pingaipac juchacunata ruhuachun saquirca. Shina saquicpimi, huarmicunaca carihuan chayarinata saquishpa, huarmipura chayarinacurca.

DEUTERONOMIO 24:7

Maijan huauquita shuhuashpa, llaquichishpa charicucpi, mana cashpaca catushca cacpi, yachac chayashpaca, chai shuhuactaca huañuchinami canguichic. Chashna ruhuashpami, cancunapac chaupimanta millaita anchuchinguichic.

1 TIMOTEO 4:6

Cai rimashcacunata criccunaman yachachishpa, crinata yachachic shimicunatapish, can caticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

1 TIMOTEO 6:3

Maijanpish ñucanchic Apunchic Jesucristo cashcata nic rimashcacunata, shinallatac ñucanchic yachachishcacunata mana allichu nishpa shuctaclayaman yachachicca,

2 TIMOTEO 1:13

Canca ñuca ima shina alli yachachishca shinallatac, Jesus-huan shuclla cashcamantaca paita crishpa, paita cuyashpa causachunmi nini.

2 TIMOTEO 4:3

Cashcata nic huillashcata mana uyashun nina punzhacuna chayamungami. Gentecunaca paicuna munashca shinata yachachichunmi, shuctac shuctac yachachiccunata mashcanga.

TITO 1:13

Chashna nishpaca, cashcatatacmi nirca. Chaimantami chai pandachiccunataca cashcata criccuna cachun, sinchita rimana can.

TITO 1:9

shinallatac cashcata nic, Dios rimashcata yachacushca shinallatac alli huacaichicmi cana can. Chashna cashpami shuccunatapish cashcata nic shimihuan rimashpa mana chashnachu niccunatapish upallachinga.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 18:13

Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.