1 TESALONICENSES 5:24 - Dios Rimashcata Quillcashcami

²⁴ Cancunata cayac Diosca imatapish pactachic cashcamantami, tucui caicunatapish pactachinga.

Nuevo Testamento en Quichua Cañar 1996

²⁴ Cancunata acllac Diosca imatapish pactachic cashcamantami, tucui caicunatapish pactachinga.

1 TESALONICENSES 5:24 ပူးပေါင်းရင်းမြစ်များ

2 REYES 19:31

Jerusalenmantaca, maijanpish puchushcami llucshinga. Sión urcumantaca mana huañushpa quishpirishcacunami llucshinga. ¡Tucuita Mandac Diosmi, yallita juchallishcamanta chashna ruhuanga!

SALMOS 100:5

Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.

SALMOS 146:6

Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

SALMOS 36:5

Mandac Dioslla, cambac llaquinaca jahua pachacamanmi. Can tucuita pactachic cashcapish jahua puyucamanmi.

SALMOS 40:10

Cashcata can ruhuashcatapish, allita ruhuac cashcatapish, can llaquic cashcatapish, mana llullac cashcatapish mana pacashpami, jatun tandanacuipi huillarcani.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 89:2

Ñucaca: «Canca alli rumicunahuan huasichishca shina huiñaita llaquicmi cangui. Can cashcata nic cashcapish, jahua pacha shina sinchimi» nircani.

SALMOS 92:2

Can llaquic cashcata tutamanta huillana, can cashcata nic cashcata tuta huillanaca mai sumacmi.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 37:32

Maijan saquirishcacunaca Jerusalenmanta, Sión urcumantami llucshinga. ¡Tucuita Mandac Dios yallita cuyashcamantami chaitaca pactachinga!

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

LAMENTACIONES 3:23

Chai cuyaica cada tutamantami mushucyan. ¡Canca tucuita pactachicmi cangui!

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

ROMANOS 8:30

Callarimanta chicanyachishcacunataca Diosca cayarcami. Chai cayashcacunataca chasquircami. Chasquishcacunataca alli nircami.

ROMANOS 9:24

Diosca ñucanchictaca israelcunapuramantapish, mana israelcunapuramantapishmi acllarca.

1 CORINTIOS 1:9

Pai nishcataca pactachic Diosmi paipac Churi ñucanchic Apunchic Jesucristohuan shuclla tucushpa causachun cayarca.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

GÁLATAS 1:15

Shina cacpipish ñuca manarac huacharicpimi, Diosca ñucata mai cuyashpa, chicanyachishpa acllarca. Chashna acllashpaca, pai munashca pachami

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

1 TESALONICENSES 2:12

Shinallatac Diospac huahuacuna shina causachunmi yachachircanchic. Cancunataca Diosllatacmi paihuan mandachun, alli nishca cachun acllarca.

2 TESALONICENSES 2:14

Chashnaca ñucanchic Apunchic Jesucristopac sumaimana cushicuita chasquichunmi, ñucanchicman alli huillaita huillachishpa, Diosca cancunataca cayarca.

2 TESALONICENSES 3:3

Paicuna chashna cacpipish, Apunchic Jesusca tucui imatapish pactachic cashcamantaca sinchita ruhuashpami millaimantapish huacaichinga.

2 TIMOTEO 1:9

Diosmi paipaclla causachun nishpa, ñucanchictaca quishpichishpa cayarca. Mana ñucanchic ima allita ruhuashcamanta, ashtahuanpish Dios cuyashcallamantami, Jesucristomanta quishpichirca. Cai shinaca cai pacha manarac callaricpimi, ñucanchicta Diosca cuyashca.

2 TIMOTEO 2:13

Ñucanchic pai ima nishcacunata mana pactachicpipish, paica pactachishpami catin. Pai ima shina cashcataca mana yanga ninchu” nishcami.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

2 PEDRO 1:3

Diosca Jesucristota ricsichishpami, paipac poderhuan ñucanchic paita allita yuyariccuna cachun, tucui ima illashcatapish ñucanchicman cushca. Cristoca pai cashcata ruhuac cashcata, sumaimana cashcata ricuchingapacmi cayarca.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.