1 TESALONICENSES 5:20 - Dios Rimashcata Quillcashcami

²⁰ Dios ima nishcata huillactaca chasquinami canguichic.

Nuevo Testamento en Quichua Cañar 1996

²⁰ Dios ima nicushcata Diosllatac huillana yuyaita cucpica, pacta mana uyashun ninguichicman.

1 TESALONICENSES 5:20 ပူးပေါင်းရင်းမြစ်များ

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

1 CORINTIOS 11:4

Maijan caripish, umata tapallishpa, Diosta mañashpa, mana cashpaca Diosmanta huillacushpaca Cristotami pingaichin.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

1 CORINTIOS 13:9

Ima yachanacunatapish, mana tucui yachanchicchu. Dios ima nishcamantapish, yachashcallatami huillanchic.

1 CORINTIOS 14:1

Tucuimanta yallica, cuyaita charinata munaichic. Shinallatac Diospac Espíritu imata ruhuachichun munaichic. Yallicarin Dios ima nishcata huillac canata munaichic.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.